(ភ្នំពេញ)៖ នៅរសៀលថ្ងៃទី១៦ ខែសីហា ឆ្នាំ២០២៥ នេះ ដោយទទួលបានការ អនុញ្ញាតដ៏ខ្ពង់ខ្ពស់ របស់សម្តេចមហា បវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា, ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានដឹកនាំគណៈ ប្រតិភូជាន់ខ្ពស់ ក្រសួងមហាផ្ទៃ បំពេញទស្សនកិច្ច ចូលរួមកម្មវិធីខួប អនុស្សាវរីយ៍លើកទី៨០ ថ្ងៃប្រពៃណីកងកម្លាំង នគរបាលប្រជាជនវៀតណាម នៅរដ្ឋធានីហាណូយ នៃសាធារណរដ្ឋ សង្គមនិយមវៀតណាម តបតាមការអញ្ជើញ របស់ឯកឧត្តម ឧត្តមសេនីយ៍ឯក លឿង តាមក្វាង សមាជិកការិយាល័យ នយោបាយ និងជារដ្ឋមន្រ្តីក្រសួង នគរបាលវៀតណាម ចាប់ពីថ្ងៃទី១៦ ដល់ថ្ងៃទី១៧ ខែសីហា ឆ្នាំ២០២៥។
ដំណើរទស្សនកិច្ចអញ្ជើញ ចូលរួមក្នុងព្រឹត្តិការណ៍ ដ៏មានអត្ថន័យនេះ ឆ្លុះបញ្ចាំងអំពីទំនាក់ទំនង និង កិច្ចសហប្រតិបត្តិការដ៏ល្អ និងជិតស្និទ្ធរវាងស្ថាប័ន អនុវត្តច្បាប់នៃ ប្រទេសទាំងពីរ និយាយដោយឡែក និង រួមចំណែកដល់ការ លើកកម្ពស់ទំនាក់ទំនង និងកិច្ចសហប្រតិបត្តិការ កាន់តែខ្លាំងក្លាថែមទៀត រវាងប្រទេស ទាំងពីរ និយាយជារួម ។
គួររំលឹកថា កាលពីថ្ងៃទី ១៦ ខែឧសភា ឆ្នាំ២០២៥ កន្លងទៅនេះ ឯកឧត្តម ឧត្តមសេនីយ៍ឯក លឿង តាមក្វាង សមាជិកការិយាល័យនយោបាយ និងជារដ្ឋមន្ត្រីក្រសួងនគរបាល នៃសាធារណរដ្ឋសង្គម និយមវៀតណាម ក៏បានដឹកនាំគណៈ ប្រតិភូជាន់ខ្ពស់អញ្ជើញចូលរួ មពិធីខួបអនុស្សាវរីយ៍លើកទី៨០ ថ្ងៃកំណើត នគរបាលជាតិកម្ពុជាផងដែរ៕
