(ភ្នំពេញ)៖ មន្ត្រីក្រុមប្រឹក្សាអភិវឌ្ឍន៍កម្ពុជា បានលើកឡើងថា រាជរដ្ឋាភិបាលបាន ខិតខំក្នុងការសម្រួល ដល់ធុរកិច្ចដែលរងផល ប៉ះពាល់ពីភាពរអាក់រអួល នៃខ្សែច្រវាក់ផ្គត់ផ្គត់ដែល បណ្តាលមកពីការបិទច្រក ព្រំដែនកម្ពុជា-ថៃ តាមរយៈវិធានការជំរុញលើកទឹក ចិត្តឱ្យមានការវិនិយោគ ផលិតវត្ថុធាតុដើម និងផលិតផលពាក់ កណ្តាលសម្រេចនៅក្នុង ស្រុកដើម្បីធានាស្ថិរភាព នៃខ្សែច្រវាក់ផ្គត់ផ្គង់ និងវិធានការជំរុញលើក ទឹកចិត្តឱ្យប្រើប្រាស់ធាតុផ្សំក្នុ ងស្រុកឱ្យបានច្រើន។
ទន្ទឹមនេះ រាជរដ្ឋាភិបាលបានលើក ពីវិធានការកែលម្អបរិយាកាស វិនិយោគដែលអាចធ្វើឱ្យ កម្ពុជាក្លាយមជ្ឈមណ្ឌល ផលិតកម្មដែលមានភាព ប្រកួតប្រជែង ដូចជាការកាត់បន្ថយ ថ្លៃអគ្គិសនី និងថ្លៃភស្តុភារកម្ម, ការអភិវឌ្ឍធនធានមនុស្ស, ការសម្រួលនីតិវិធីរដ្ឋបាល, ការជំរុញការធ្វើពិពិធកម្មឧស្សាហកម្ម, ការទាក់ទាញកន្សោមឧស្សាហកម្ម ពីដើមទីដល់ចុងទី។
ឯកឧត្តម លឹម វិសាល អគ្គលេខាធិការរង គណៈកម្មាធិការវិនិយោគ កម្ពុជានៃក្រុមប្រឹក្សាអភិវឌ្ឍន៍ កម្ពុជានៅក្នុងកិច្ចពិភាក្សាស្តី ពីការពង្រឹងប្រព័ន្ធ ឧស្សាហកម្មផលិតកម្ម ក្នុងប្រទេសកម្ពុជា “តួនាទីនៃការប្រើប្រាស់ ម៉ាស៊ីនស្វ័យប្រវត្តិ និងបច្ចេកវិទ្យាជំនាន់ថ្មី ក្នុងខ្សែច្រវាក់ផលិតកម្ម” នៅមជ្ឈមណ្ឌលសន្និបាត និងពិព័រណ៍កោះពេជ្រ នៅថ្ងៃទី ០៨ ខែសីហា ឆ្នាំ ២០២៥ បានលើកឡើងថា ក្នុងនីតិកាលទី៧នេះ ក្រុមប្រឹក្សាអភិវឌ្ឍន៍ កម្ពុជាត្រូវបានរាជរដ្ឋាភិបាល ប្រគល់ភារកិច្ចឱ្យសម្របសម្រួល រៀបចំរបាយការណ៍ស្តីពីវឌ្ឍនភាព នៃការអនុវត្តវិធានការកែទម្រង់ មុតស្រួចជាកញ្ចប់ ដើម្បីពិនិត្យនិងដោះស្រាយ បញ្ហាប្រឈមនិងកង្វល់ពាក់ព័ន្ធ នឹងការវិនិយោគឯកជន ក៏ដូចជាការគិតគូរ សម្របសម្រួលបន្ថែមសម្រាប់ វិស័យមួយចំនួនក្នុងការកាត់បន្ថយ ថ្លែដើមធុរកិច្ច សំដៅលើកកម្ពស់ភាព ប្រកួតប្រជែង និងជំរុញកំណើនសេដ្ឋកិច្ច។
នៅក្នុងព្រឹត្តិការណ៍ពិព័រណ៍ “ឧស្សាហកម្មគ្រឿង យន្តកម្ពុជាអន្តរជាតិ” និងព្រឹត្តិការណ៍ពិព័រណ៍ “សម្លៀកបំពាក់ និងវាយភ័ណ្ឌកម្ពុជាអន្តរជាតិ” លើកទី៩ ដែលត្រូវបានរៀបចំចាប់ពីថ្ងៃទី៦ ដល់ថ្ងៃទី៩ ខែសីហា ឆ្នាំ២០២៥
ឯកឧត្តមអគ្គលេខាធិការរង បានលើកឡើងអំពីស្ថានភាព វិនិយោគទូទៅនៅកម្ពុជា, របបលើកទឹកចិត្តប្រកបដោយ ភាពទាក់ទាញក្រោមច្បាប់ស្តី ពីវិនិយោគដែលបើកចំហ មានតម្លាភាព និងអាចប៉ាន់ប្រមាណ ទុកជាមុនបាន និងសក្តានុពលវិនិយោគ ក្នុងវិស័យអាទិភាពមួយចំនួន។
ឯកឧត្តមអគ្គលេខាធិការ រងបានកត់សម្គាល់ឃើញថា ក្នុងរយៈពេលប៉ុន្មានឆ្នាំចុងក្រោយនេះ កម្ពុជាបានធ្វើពិពិធ កម្មឧស្សាហកម្ម ទៅកាន់វិស័យផ្សេងៗ ក្រៅពីវិស័យកាត់ដេរសម្លៀកបំពាក់ ស្បែកជើង និងកាបូប ដូចជា ការផ្គុំដំឡើងយានយន្ដ និងគ្រឿងបង្គុំយានយន្ត, ការផលិតសំបកកង់រថយន្ត, កង់, សម្ភារៈបរិក្ខារអេឡិចត្រូនិក, សម្ភារៈបរិក្ខារអគ្គិសនីនិងអំពូលលម្អ, សម្ភារៈតុបតែងលម្អ ដើមគ្រីសស្មាស់, គ្រឿងសង្ហារិម, និងក្តារបន្ទះ។ល។ ដែលវិស័យទាំងអស់នេះ ប្រើប្រាស់បច្ចេកវិទ្យាមធ្យម និងតម្លៃបន្ថែមសមរម្យ។
ឯកឧត្តមអគ្គលេខាធិការរង បានបង្ហាញសុទិដ្ឋិនិយមថា ឧស្សាហកម្មថ្មីទាំងអស់ នេះនឹងបន្តហូរចូលមកកម្ពុជា បន្ថែមទៀត អាស្រ័យដោយរាជរដ្ឋាភិបាល បាននិងកំពុងខិតខំ ប្រឹងប្រែងក្នុងការបន្តដាក់ ចេញនូវគោលនយោបាយ និងវិធានការគាំទ្រ ដល់វិស័យឯកជន សំដៅលើកកម្ពស់បរិយា កាសវិនិយោគ និងធុរកិច្ចនៅកម្ពុជា ឱ្យកាន់តែមានភាពប្រកួតប្រជែង ក្នុងបរិបទដែលពិភពលោក កំពុងប្រឈមនឹងវិបត្តិនានា និងមានភាពមិន ប្រាកដប្រជាខ្ពស់។
មន្ត្រីក្រុមប្រឹក្សាអភិវឌ្ឍន៍កម្ពុជា បានបង្ហាញពីចំណុចគន្លឹះ មួយចំនួនដែលធ្វើឱ្យកម្ពុជា ក្លាយជាគោលដៅវិនិយោគ ដ៏លេចធ្លោមួយនៅអាស៊ីអាគ្នេយ៍ ដូចជា កត្តាសុខសន្តិភាព, ស្ថិរភាពនយោបាយនិង ស្ថិរភាពម៉ាក្រូសេដ្ឋកិច្ច, កម្លាំងពលកម្មវ័យក្មេង និងមានជំនាញ, ការតភ្ជាប់ជាមួយនឹង ទីផ្សារអន្តរជាតិតាមរយៈកិច្ច ព្រមព្រៀងពាណិជ្ជកម្មសេរីទ្វេភាគី និងពហុភាគីជាមួយ បណ្ដាប្រទេសមួយចំនួន និងក្នុងតំបន់។ល។
សូមបញ្ជាក់ថា ចាប់ពីថ្ងៃទី៧សីហាឆ្នាំ២០២៥នេះតទៅ សហរដ្ឋអាមេរិកបាន ចាប់អនុវត្តការបន្ធូរបន្ថយពន្ធ នាំចូលពីកម្ពុជានៅ ត្រឹម១៩ភាគរយប៉ុណ្ណោះ ដែលនេះជាអំណោយផល ដ៏ល្អបំផុតចំពោះបរទេសដែល ចង់មកវិនិយោគនៅកម្ពុជា៕
