(ភ្នំពេញ)៖ នៅព្រឹកថ្ងៃទី៩ ខែសីហា ឆ្នាំ២០២៥ នេះ លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត បានអញ្ជើញជាអធិបតី ក្នុងពិធីសំណេះសំណាល ជាមួយនិស្សិតជ័យលាភីឆ្នាំសិក្សា ២០២៥-២០២៦ និងនិស្សិតដែលបាន បញ្ចប់ការសិក្សាអាហារូបករណ៍ របស់សម្ដេចអគ្គមហា សេនាបតីតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត។
អាហារូបករណ៍នេះ ត្រូវបានផ្ដល់ជូន ដល់និស្សិតខ្មែរ ដើម្បីបន្តការសិក្សានៅ សាធារណរដ្ឋប្រជាមានិតចិន តាមរយៈសម្ដេចមហាបវរធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី។ ពិធីនេះបានប្រារព្ធ ធ្វើឡើងក្នុងបរិយាកាសដ៏រីករាយ និងស្និទ្ធស្នាល ដើម្បីលើកទឹកចិត្ត និងផ្ដល់ជាអនុសាសន៍ល្អៗ ដល់និស្សិតទាំងអស់ ដែលជាទំពាំង ស្នងឫស្សីរបស់ជាតិ។
