(ភ្នំពេញ)៖ នៅថ្ងៃទី៨ ខែសីហា ឆ្នាំ២០២៥ ឯកឧត្តម ហែម វណ្ណឌី រដ្ឋមន្ត្រីក្រសួង ឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានទទួលជួបក្រុមប្រឹក្សាក្រុង Hefei នៃសន្និសីទប្រឹក្សា នយោបាយប្រជាជនចិន ដឹកនាំដោយលោក Han Bing ដើម្បីពិភាក្សាឱកាស សហការលើផ្នែកវិទ្យាសាស្ត្រ និងបច្ចេកវិទ្យា។
នៅក្នុងជំនួបនេះ លោក Han បានលើកឡើងពីភាព ខ្លាំងផ្នែកសេដ្ឋកិច្ច និងនវានុវត្តន៍របស់ទីក្រុង Hefei ដែលមានផលិតផល ក្នុងស្រុកសរុបចំនួន ១,៣៥ទ្រីលានយ័ន (ប្រមាណ១៩៣ ពាន់លានដុល្លារ) ឆ្នាំ២០២៤ មានភាពឈានមុខក្នុង ការផលិតយានយន្ត ប្រើថាមពលថ្មី និងជាក្រុងដែល ស្ថិតក្នុងចំណោម មជ្ឈមណ្ឌលនវានុវត្តន៍ កំពូលទាំង ៧ របស់ប្រទេសចិន។ លោកបានរំលេចពីតួនាទី របស់ទីក្រុងនេះថាជា “មជ្ឈមណ្ឌលផលិត ប្រព័ន្ធកុំព្យូទ័រ Quantum របស់ចិន” និងមានសាកល វិទ្យាល័យវិទ្យាសាស្ត្រ និងបច្ចេកវិទ្យាដ៏ ល្បីល្បាញរបស់ ចិនផងដែរ។
ឯកឧត្តម ហែម វណ្ណឌី បានលើកឡើងអំពីភាគ លាភប្រជាសាស្ត្ររបស់កម្ពុជា និងភាពចាំបាច់ក្នុង ការចាប់យកបច្ចេកវិទ្យា ដើម្បីពន្លឿនបរិវត្តកម្ម ឆ្ពោះទៅរកសេដ្ឋកិច្ចឌីជីថល។ ឯកឧត្តមបានស្នើឱ្យទីក្រុង Hefei ផ្តល់ការគាំទ្រដល់អ្នកស្រាវជ្រាវ និងអ្នកវិទ្យាសាស្ត្រកម្ពុជា តាមរយៈការផ្តល់អាហា រូបករណ៍នៅសាកលវិទ្យាល័យ ដែលផ្តោតលើជំនាញ STEM របស់ក្រុង Hefei និងគាំទ្រដល់មន្ទីរ ពិសោធន៍របស់ក្រសួង។
ឯកឧត្តមរដ្ឋមន្ត្រីក៏បាន អញ្ជើញអ្នកវិនិយោគពីទីក្រុង Hefei ឱ្យមកវិនិយោគលើ សួនវិទ្យាសាស្ត្ររបស់ កម្ពុជា និងបានគូសបញ្ជាក់ អំពីឱកាសដែលអាចសហការ ក្រោមអនុស្សរណៈនៃការយោគយល់ ដ៏ទូលំទូលាយនាពេលថ្មីៗ នេះរវាងក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ និងក្រសួងវិទ្យាសាស្ត្រ និងបច្ចេកវិទ្យារបស់ប្រទេសចិន ដែលកំណត់ក្រប ខ័ណ្ឌសម្រាប់កិច្ចសហ ប្រតិបត្តិការរយៈពេលវែង៕
