នាយឧត្តមសេនីយ៍ វង្ស ពិសេន ផ្ញើលិខិតថ្លែងអំណរគុណ អគ្គមេបញ្ជាការម៉ាឡេស៊ី ដែលធ្វើជាអ្នកសម្របសម្រួល បទឈប់បាញ់ និងផ្ដល់កន្លែងប្រជុំ (GBC)

(ភ្នំពេញ)៖ ឯកឧត្តម នាយឧត្តមសេនីយ៍ វង្ស ពិសេន អគ្គមេបញ្ជាការនៃ កងយោធពលខេមរភូមិន្ទ នៅថ្ងៃទី៨ ខែសីហា ឆ្នាំ២០២៥ បានផ្ញើលិខិតថ្លែង អំណរគុណចំពោះ ឯកឧត្ដម នាយឧត្ដមសេនីយ៍ អេចជេ ម៉ូដ នីហ្សាម ចាហ្វា អគ្គមេបញ្ជាការកងទ័ព ម៉ាឡេស៊ីដែលបានធ្វើជា អ្នកសម្របសម្រួលបទឈប់បាញ់ និងផ្ដល់ទីកន្លែងប្រជុំ គណៈកម្មាធិការព្រំដែន ទូទៅកម្ពុជា-ថៃ (GBC) ប្រកបដោយជោគជ័យ នៅទីក្រុងកូឡាឡាំពួរ ប្រទេសម៉ាឡេស៊ី កាលពីថ្ងៃទី៤ ដល់ថ្ងៃទី៧ ខែសីហា ឆ្នាំ២០២៥៕