(ភ្នំពេញ)៖ ឯកឧត្តម ប្រធានាធិបតី Trump និងឯកឧត្តម Marco Rubio រដ្ឋមន្ត្រីក្រសួងការបរទេស អាមេរិក បង្ហាញនូវក្តីនូវរំពឹង ថារដ្ឋាភិបាលនៃប្រទេសកម្ពុជា និងប្រទេសថៃ នឹងគោរពយ៉ាងពេញលេញ នូវការប្តេជ្ញាចិត្តនៃ ប្រទេសទាំងពីរក្នុង ការបញ្ចប់ជម្លោះនេះ។
នេះបើយោងតាម សេចក្តីថ្លែងការណ៍ ស្តីពីដំណោះស្រាយបទ ឈប់បាញ់រវាងប្រទេសកម្ពុជា និងថៃ របស់លោក Marco Rubio រដ្ឋមន្ត្រីក្រសួងការ បរទេសអាមេរិក នាថ្ងៃទី០៧ ខែសីហា ឆ្នាំ២០២៥នេះ។
ក្នងសេចក្តីថ្លែងការណ៍ខាងលើ ឯកឧត្តម Marco Rubio បានគូសរំលេចថា សហរដ្ឋអាមេរិកស្វាគមន៍ កិច្ចប្រជុំគណៈកម្មាធិការ ព្រំដែនទូទៅកាលពីម្សិលិញនេះ នាទីក្រុងកូឡាឡាំពួរ ដែលនេះជាជំហាន ដ៏សំខាន់ឆ្ពោះទៅមុខក្នុង ការពង្រឹងការរៀបចំ បទឈប់បាញ់ និងការបង្កើតយន្ត ការក្រុមសង្កេតការណ៍អាស៊ាន។
ប្រភពដដែល បានបន្ថែមថា អាម៉េចរិកនៅតែដឹងគុណ ចំពោះនាយករដ្ឋមន្ត្រីម៉ាឡេស៊ី ឯកឧត្តម អាន់វ៉ា អ៊ីប្រាហ៊ីម សម្រាប់ការដឹកនាំរបស់គាត់ និងសម្រាប់ការធ្វើជា ម្ចាស់ផ្ទះនៃដំណើរការបទឈប់បាញ់ ដែលជាលទ្ធផល ផ្ទាល់នៃឆន្ទៈរបស់គាត់ ក្នុងការសហការរៀបចំ កិច្ចប្រជុំពិសេសថ្ងៃទី ២៨ ខែកក្កដា ជាមួយសហរដ្ឋអាមេរិក ដើម្បីដោះស្រាយជម្លោះនេះ។
ជាមួយគ្នានោះ អាម៉េរិក ទន្ទឹងរង់ចាំការគាំទ្រដល់ ប្រទេសម៉ាឡេស៊ី អាស៊ាន និងប្រទេសទាំងពីរ នៅពេលដែល ដំណើរការនេះឈានទៅមុខ៕
