(ខេត្តកំពង់ស្ពឺ)៖ រថយន្តដឹកកម្មកររោងចក្រមួយគ្រឿង ម៉ាក HYUNDAY PORTER ពាក់ផ្លាកលេខកំពង់ឆ្នាំង ២A ០៩៧០ បានក្រឡាបធ្លាក់ប្រឡាយ បង្ករអោយអោយមានការភ្ញាក់ទាំងព្រឹក ហេតុការនវបានកើតឡើង កាលពីព្រឹកថ្ងៃទី០៧ ខែសីហាឆ្នាំ២០២៥ វេលាម៉ោង ០៦និង៤០នាទី នៅចំណុងត្រង់ចំណុចត្រពាំងទឹក ជាប់ខាងជើងផ្លូវលំ ភូមិអង្គរោង ឃុំមហាឫស្សី ស្រុកគងពិសី ខេត្តកំពង់ស្ពឺ។
ប្រភពពីកន្លែងកើត ហេតុបានអោយដឹងថា មានរថយន្តដឹកកម្មករ ខាងលើបើកបរដោយម្ចាស់ឈ្មោះម៉ី គឹមហួ អាយុ ៣២ឆ្នាំ រស់នៅភូមិសុក្រុំ ឃុំអូសារាយណ៍ ស្រុកត្រាំកក់ ខេត្តតាកែវ និងបានដឹកកម្មករ កម្មការីប្រមាណជិត៤០នាក់ យកទៅធ្វើការនៅរោងចក្រ តារ៉ាល់ ស្ថិតក្នុងភូមិ ត្រពាំងមាន ឃុំស្មំក្រពើ ស្រុកគងពិសី ខេត្តកំពង់ស្ពឺ។
តាមការបញ្ជាក់ពី សមត្ថកិច្ចនគរបាល បានអោយដឹងថា រថយន្តដឹកកម្មករខាងលើនេះ បានធ្វើដំណើរចេញពីភូមិសុក្រុំ ឃុំអូសារាយ ស្រុកត្រាំកក់ ខេត្តតាកែវ ដើម្បីដឹកកម្មករមក ធ្វើការនៅរោងចក្រ តារ៉ាល់ ស្ថិតនៅភូមិត្រពាំងមាន ឃុំស្មំក្រពើ ស្រុកគងពិសី ខេត្តកំពង់ស្ពឺ ពេលមកដល់ចំណុចខាងលើរថយន្ដ បានគេចម៉ូតូមួយគ្រឿង រួចបណ្ដាលអោយរថយន្ដរេចង្កូត ធ្លាក់ចូលត្រពាំងទឹកតែម្ដង រថយន្តមានផ្ទុកកម្មកររោងចក្រសរុបមានចំនួន៣៨នាក់ ប្រុស១៣នាក់ ។
ក្នុងហេតុការណ៍នោះ ដែរបណ្ដាលរងរបួសធ្ងន់ កម្មករចំនួន១នាក់ កម្មករផ្សេងទៀត (របួសស្រាល) ឈ្មោះ ណេង វណ្ណៈ ភេទប្រុស អាយុ១៨ឆ្នាំ រស់នៅភូមិសុក្រុំ ឃុំអូសារាយណ៍ ស្រុកត្រាំកក់ ខេត្តតាកែវ បានបញ្ជូនទៅព្យាបាលរបួសនៅពេទ្យឯកជនក្បែរកន្លែងកើតហេតុ អ្នកផេ្សងទៀត បានវិលត្រឡប់ទៅផ្ទះវិញ ដោយបានការសម្របសម្រួល ការងារជាមួយរដ្ឋបាលរោងចក្រ ពីអាជ្ញាធរមូលដ្ឋាន។
ចំពោះអ្នកបើកបររថយន្ត សមត្ថកិច្ចបានអញ្ជើញយក មកសាកសួរនៅអធិការដ្ឋាន នគរបាលស្រុកគងពិសី ដើម្បីទទួលខុសត្រូវ លើករណីដឹកជញ្ជូនកម្មករ ក្នុងនាមជាអ្នកទទួល សេវាដឹកជញ្ជូន៕
