(ភ្នំពេញ)៖ រសៀលថ្ងៃពុធ ១២កើត ខែស្រាពណ៍ ឆ្នាំម្សាញ់ សប្តស័ក ព.ស. ២៥៦៩ ត្រូវនឹងថ្ងៃទី៦ ខែសីហា ឆ្នាំ២០២៥ ក្រុមការងារអ.ប.ព. ដឹកនាំដោយឯកឧត្តម ឃាង សេង អនុប្រធានអ.ប.ព. តំណាងដ៏ខ្ពង់ខ្ពស់របស់ កិត្តិនីតិកោសលបណ្ឌិត ឱម យ៉ិនទៀង ទេសរដ្ឋមន្ត្រី ប្រធានអ.ប.ព. បានចូលរួមចែក រំលែកចំណេះដឹង និងបទពិសោធន៍លើមុខវិជ្ជា “ការប្រយុទ្ធប្រឆាំង អំពើពុករលួយ និងក្រមសីលធម៌” តាមប្រព័ន្ធអនឡាញជូនកម្មសិក្សាការី នៃវគ្គវិក្រឹតការមន្ត្រីមធ្យម ថ្នាក់បរិច្ចាគ សរុប ៦១ អង្គ/នាក់ លើមេរៀនទី៣៖ បទល្មើសពុករលួយ និងទោស។
សូមជម្រាបជូនថា សម្រាប់មុខវិជ្ជាខាងលើនេះ កម្មសិក្សាការីត្រូវសិក្សាចំនួន ៦ មេរៀន ស្មើនឹងរយៈពេល ១៥ ម៉ោង៕
