(ភ្នំពេញ)៖ នៅរសៀលថ្ងៃទី៦ ខែសីហា ឆ្នាំ២០២៥ លោកជំទាវ ម៉ែន នារីសោភ័គ អគ្គលេខាធិការរងទី១ កាកបាទក្រហមកម្ពុជា និងឯកឧត្តម ជុំ កុសល រដ្ឋលេខាធិការ តំណាងដ៏ខ្ពង់ខ្ពស់ ឯកឧត្តម នេត្រភក្ត្រា រដ្ឋមន្ត្រីក្រសួងព័ត៌មាន អញ្ជើញជាអធិបតីក្នុង ពិធីបើកសិក្ខាសាលាស្តីពី «ប្រវត្តិចលនាអន្តរជាតិ គោលការណ៍គ្រឹះ ច្បាប់មនុស្សធម៌អន្តរជាតិ ក្នុងបរិការណ៍ សកលោកបច្ចុប្បន្ន និងកាកបាទក្រហមកម្ពុជា»។
សិក្ខាសាលានេះ បានធ្វើឡើងនៅទីស្តីការ ក្រសួងព័ត៌មាន ដោយមានការអញ្ជើញចូលរួម ពីសំណាក់ថ្នាក់ដឹកនាំ ឯកឧត្តម លោកជំទាវ លោក លោកស្រី ព្រមទាំងមន្ត្រីពាក់ព័ន្ធ មកពីស្ថាប័នទាំងពីរ ជាច្រើនរូបថែមទៀត។
ជាមួយគ្នានោះ សិក្ខាសាលាខាងលើ ក៏មានការធ្វើបទបង្ហាញពី ប្រវត្តិនៃចលនាអន្តរជាតិ កាកបាទក្រហម និងអឌ្ឍចន្ទក្រហម គោលការណ៍គ្រឹះ ការប្រើប្រាស់ ការការពារបដិរូប និងច្បាប់អន្តរជាតិផងដែរ៕
