(ភ្នំពេញ)៖ បន្ទាប់ពីថៃបាន ប្រកាសបិទច្រកព្រំ ដែនរវាងថៃនិងកម្ពុជា ពលករដែលកំពុង បម្រើការងារនៅ ប្រទេសថៃ បាននាំគ្នាធ្វើដំណើរ ត្រឡប់មកស្រុកកំណើ តវិញជាបន្តបន្ទាប់ ជាពិសេសរយៈ ពេលប៉ុន្មានថ្ងៃចុងក្រោយនេះ ប្រជា ពលរដ្ឋនិងពលករខ្មែរ បាននាំគ្នាសម្រុកមក ស្រុកកំណើតវិញយ៉ាងគំហុក ដែលមកដល់ពេល នេះមានចំនួនជាងកន្លះ លាននាក់ហើយ។
ក្រោយពីទទួលបាន ការជួយសម្រប សម្រួលពីអាជ្ញាធរ មូលដ្ឋាននិងក្រសួង ការងារបណ្ដុះបណ្ដាលវីជ្ជាជីវៈ ក្នុងការផ្ដល់ព័ត៌មាន អំពីការងារនៅប្រទេសកម្ពុជា បច្ចុប្បន្នមានពលករជា ច្រើននាក់ដែលបានចូល បម្រើការងារភ្លាមៗ នៅទីតាំងដែលខ្លួនពេញចិត្ត និងតាមជំនាញរបស់ខ្លួន។
«បានការងារធ្វើនៅស្រុក ស្រែខ្ញុំក៏ត្រេកអរ។ ការងារមានច្រើនកន្លែង ប្រាក់ខែក៏សមរម្យអាច ទទួលយកបាន។ ខ្ញុំគិតថាមកធ្វើការ នៅស្រុកខ្មែរយើងជិតផ្ទះ ស្រួលទៅមកលែងចង់ ទៅថៃទៀតហើយ។ បងប្អូននៅស្រុកថៃដែលមិនទាន់មក ហើយមានចំណាប់ អារម្មណ៍មកធ្វើការនៅស្រុកយើង មក មក ព្រោះអីឥឡូវនេះស្រុក ក៏សម្បូរការងារច្រើនដែរ កុំនៅស្រុកគេទៀត មកនៅស្រុកយើងមក»។
ប្អូនស្រី វណ្ណាក់ ដែលជាពលករទើបត្រឡប់ មកពីប្រទេសថៃដែល មានស្រុកកំណើតនៅខេត្ត ព្រៃវែង បាននិយាយទាំងសប្បាយចិត្ត និងអរគុណដល់ថ្នាក់ដឹកនាំកម្ពុជា ដែលបានជួយស្វះស្វែងរក ការងារឱ្យធ្វើ ដែលបច្ចុប្បន្ន ប្អូនស្រីបានចូលបម្រើការងារ នៅរោងចក្រមួយកន្លែង នៅឯស្រុកកំណើត។
ជាដំបូងខ្ញុំសូមអរគុណដល់បងៗ ខាងក្រសួងក្រុមការងារដែល បានផ្សព្វផ្សាយឱ្យនាងខ្ញុំ បានការងារធ្វើ ហើយក៏សូមអរគុណ ដល់សម្ដេចតេជោហ៊ុន សែន និងសម្ដេចធិបតីហ៊ុន ម៉ាណែត ដែលបានស្វះស្វែង ជួយដល់ពលករចំណាក ស្រុក ដែលវិលត្រឡប់មកស្រុកខ្មែរវិញ មានការងារធ្វើ ដែលបានភាពកក់ក្ដៅនៅជិត កូន ជិតម៉ែឪ។ មិនខុសគ្នាប៉ុន្មានទេបងស្រីស៊ុន ណាត់ ជាពលករទើបត្រឡប់ មកពីប្រទេសថៃបាន លើកឡើងថា៖ សប្បាយរីករាយរដ្ឋក៏ជួយ ហើយក្រុមហ៊ុនក៏មាន ដាក់ពាក្យរើសបុគ្គលិកច្រើន យើង មានជម្រើសចង់ទៅណាក៏បាន ។មានអារម្មណ៍ ត្រេកអរខ្លាំងបើឱ្យស្វែងរក មិនដឹងជាស្វែងរកនៅកន្លែងណា ឱ្យចំគោលដៅ បើគាត់មកដល់ព័ត៌មាន ដល់កន្លែងចឹង វាងាយស្រួលយើងអាចពិភាក្សា ជាមួយបងប្អូនថាយើងចង់ ទៅណាដើម្បីបានជុំគ្នា។ ខ្ញុំចង់ប្រាប់ប្អូនដែលនៅ ប្រទេសថៃទាំងអស់ដែល មិនទាន់បានមក បើចង់មកខ្មែរវិញក៏មិនខ្វះ ការងារធ្វើដែរ មានគេរើសបុគ្គលិកការងារច្រើន ណាស់តាមផ្នែក តាមចំណេះ តាមជំនាញ មិនចេះអក្សក៏មានកន្លែងគេយកដែរ កុំព្រួយបារម្ភអ្វី។ ខ្ញុំសូមថ្លែងអំណរគុណ ដល់រាជរដ្ឋាភិបាលកម្ពុជា ដែលគាត់ស្វះស្វែង ជួយដល់ពលករ»។
ងាកមកបងស្រីសេង ទុំ មានស្រុកកំណើត នៅខេត្តកំពង់ឆ្នាំង ដែលបានចូលបម្រើការងារ នៅរោងចក្រមីនីបៀ ផ្នែកផលិតតាមរយៈ ក្រសួងការងារបន្ទាប់ ពីបងស្រីវិលត្រឡប់ មកពីប្រទេសថៃវិញ។ ខ្ញុំមានចំណាប់អារម្មណ៍ សប្បាយរីករាយដែល ខាងក្រសួងជួយរកការងារ ឱ្យពលករដែលត្រឡប់ មកប្រទេសយើងវិញ បានការងារធ្វើលឿន ដោយខ្ញុំសម្ភាស ជាប់នៅក្រុមហ៊ុនមីនីបៀ។ ខ្ញុំសូមថ្លែងអំណរគុណដល់ រាជរដ្ឋាភិបាលដែលបានរក ការងារឱ្យពួកនាងខ្ញុំធ្វើ ។ខ្ញុំសូមអំពាវនាវដល់ ពលករនៅស្រុកថៃ សូមត្រឡប់មកវិញមក ព្រោះនៅស្រុកយើងក៏សម្បូរការងារច្រើន សម្ភាស ភ្លាមបានការងារធ្វើភ្លាម ព្រោះក្រសួងរកការងារ ឱ្យយើងធ្វើភ្លាមៗ។
លោក ហួន សាមេត ពលករខ្មែរវិល ត្រឡប់មកពីប្រទេសថៃ ដែលមានស្រុកកំណើត នៅខេត្តសៀមរាបក៏បាន ថ្លែងអំណរគុណដល់ រាជរដ្ឋាភិបាលដែលបាន យកចិត្តទុកដាក់ ដោយផ្ដល់ការងារ ដល់រូបលោកភ្លាមៗ។ លោកបានអំពាវនាវ ដល់បងប្អូនប្រជាពលរដ្ឋ ជាពិសេស បងប្អូនពលករខ្មែរនៅប្រទេសថៃ ឱ្យត្រឡប់មកស្រុកកំណើតវិញ ព្រោះបច្ចុប្បន្នកម្ពុជាសម្បូរការងារធ្វើ ទទួលបានចំណូលមិន ចាញ់ការងារនៅប្រទេសថៃ មានអត្ថប្រយោជន៍ច្រើន និងនៅជិតផ្ទះស្រាប់ទៀតផង។
សំឡេងទី៤«ត្រេកអរណាស់ ព្រោះចុះមកអត់មានការងារធ្វើ ដល់ក្រសួងជួយចឹងទៅ ទាំងការធ្វើដំណើរត្រឡប់ទៅស្រុកកំណើត ក៏អត់អស់លុយ ឃើញបងប្អូនយើងចុះមកច្រើន ចឹងខ្ញុំក្ដុកក្ដួលណាស់ សូមបងប្អូនយើងត្រឡប់មកវិញមក ព្រោះក្រសួងជួយរកការងារឱ្យធ្វើ មានរោងចក្រច្រើន និងការងារផ្សេងៗទៀតក៏ច្រើន ។សូមអរគុណដល់សម្ដេចធិបតីហ៊ុនម៉ាណែត និងក្រសួងការងារ ដែលបានជួយរកការងារឱ្យពលករធ្វើ នៅគ្រប់ខេត្តក្រុង »។
បងស្រីឡឹង វណ្ណា មានស្រុកកំណើត នៅខេត្តពោធិ៍សាត់ ដែលបានចូលបម្រើការងារ នៅរាជធានីភ្នំពេញ បានលើកឡើង ទាំងសប្បាយចិត្តដែល រាជរដ្ឋាភិបាលបាន ជួយរកការងារឱ្យបងស្រីបានធ្វើភ្លាមៗ បន្ទាប់ពីត្រឡប់មកពីប្រទេសថៃវិញ។
បច្ចុប្បន្នខ្ញុំមកធ្វើការនៅ រាជធានីភ្នំពេញនៅ រោងចក្រមីនីបៀ មានអារម្មណ៍ថារំភើប សប្បាយចិត្តដែលបានការងារធ្វើ កាលមុនខ្ញុំធ្វើការនៅស្រុកថៃ ឥឡូវខ្ញុំបានមកដល់ស្រុកខ្មែរ ហើយក៏បានការងារ ធ្វើនៅស្រុកខ្មែរ ។ខ្ញុំសូមអរគុណដល់ រោងចក្រមិនយកលុយទេ ថែមទាំងផ្ដល់លុយក្នុង ការធ្វើដំណើរក្នុងម្នាក់ ចំនួន៣០ដុល្លារ។
ជាមួយគ្នានេះដែរក្រសួងការងារ និងបណ្ដុះបណ្ដាលវិជ្ជាជីវៈ បាននាំយកឱកាសការងារជាង ៧ពាន់កន្លែងសម្រាប់ ប្រជាពលរដ្ឋនិងពលករខ្មែរ ដែលទើបត្រឡប់មកពីប្រទេសថៃ នៅក្នុងខេត្តសៀមរាប។នៅក្នុងឱកាស នោះឯកឧត្តមហេង សួរ រដ្ឋមន្ត្រីក្រសួងការងារនិង បណ្ដុះបណ្ដាលវិជ្ជាជីវៈ បានផ្ដាំផ្ញើប្រជាពលរដ្ឋ ដែលធ្លាប់ជាពលករនៅថៃថា ៖ ក្រោយពីសម្រាកបន្ទាប់ ពីមកដល់ស្រុកកំណើតហើយ សូមរួសរាន់ស្វែងរក ការងារធ្វើឱ្យបានលឿន ហើយសូមទាក់ទងមកលេខ ១២៩៧ ដើម្បីឆាប់បានប្រាក់ចំណូល ទ្រទ្រង់ជីវភាពប្រចាំថ្ងៃ។ បញ្ហាផ្សេងៗកន្លងមកនេះ រាជរដ្ឋាភិបាលក៏បាន ជួយសម្របសម្រួល និងសម្រាលបន្ទុកខ្លះ ហើយ យើងបានអំពាវនាវ ដល់ខាងផ្នែក ស្ថាប័នហិរញ្ញវត្ថុ ធ្វើម៉េចពន្យារ ពេល ទៅដល់បងប្អូន ។ចឹង សង្ឃឹមថា បងប្អូនប្រញាប់រកការងារ ធ្វើនៅស្រុក ខ្មែរ ដើម្បីមានចំណូល ជួយទ្រទ្រង់ជីវភាពគ្រួសារ យើងឡើងវិញ។
ឯកឧត្ដមរដ្ឋមន្ត្រី ក្រសួងការងារបាន បញ្ជាក់បន្ថែមទៀតថា ក្រៅពីផ្ដល់ការងារឱ្យធ្វើ ហើយរាជរដ្ឋាភិបាល នៅមានវគ្គបណ្ដុះបណ្ដាល ជំនាញវិជ្ជាជីវៈ ចំនួន៤០ជំនាញថែមទៀត ដល់ប្រជា ពលរដ្ឋចំនួន១លាន៥សែននាក់ ។ ចំពោះបងប្អូនដែល មិនចង់ទៅធ្វើការងារ យើងមានការចុះ ឈ្មោះរៀនជំនាញវគ្គខ្លីៗ ដូចជា វគ្គកែច្នៃផ្លែឈើ បន្លែ ឬក៏បង្រៀន ធ្វើអាជីវកម្មតូចៗ ជួសជុលគ្រឿងយន្ត គោយន្ត ត្រាក់ទ័រ ម៉ាស៊ីនឡាន ម៉ូតូ ម៉ាស៊ីនត្រជាក់ ដែលអាចឱ្យបងប្អូន យើងរៀនហើយ អាចជួសជុលនៅតាមមូលដ្ឋាន របស់ខ្លួនដោយមិនចាំ បាច់មកធ្វើការនៅភ្នំពេញក៏បាន ប៉ុន្តែត្រូវការចុះឈ្មោះរៀន ដែលយើងត្រូវការរយៈ ពេលប្រមានជា៤ខែទើបចប់ ដែលត្រូវចំណាយពេលយូរបន្តិច ទើបយើង អាចរកចំណូលបាន។
តាមរបាយការណ៍របស់ ក្រសួងការងារនិង បណ្ដុះបណ្ដាលវិជ្ជាជីវៈ បានបង្ហាញថា ការវិលត្រឡប់របស់ ពលករខ្មែរពីប្រទេសថៃ មកប្រទេសកម្ពុជាវិញ ចាប់ពីថ្ងៃទី៨ ខែមិថុនា រហូតមកដល់ ល្ងាចថ្ងៃទី៥ ខែសីហា ឆ្នាំ២០២៥ មានចំនួនសរុបជាង៦៧ម៉ឺននាក់ (៦៧០៨៣៩) ខណៈពលករដែលទៅធ្វើការ នៅប្រទេសថៃមានចំនួន ប្រមាណ១លាន២សែននាក់។ ក្នុងរយៈពេល ជិត២ខែមកនេះថ្នាក់ដឹកនាំ និងមន្ត្រីរាជការគ្រប់លំដាប់ថ្នាក់ នៃក្រសួងការងារ និងបណ្តុះបណ្តាលវិជ្ជាជីវៈ បានរៀបចំវេទិកាការងារ ខេត្តគោលដៅចំនួន៩រួមមាន ខេត្តក្រចេះ កំពង់ចាម កំពង់ធំ កំពង់ស្ពឺ តាកែវ បាត់ដំបង ព្រៃវែង ពោធិ៍សាត់ និងខេត្តស្វាយរៀង ដោយបាននាំយកឱកាស ការងាររាប់ម៉ឺនកន្លែង ទៅផ្សព្វផ្សាយជូន ប្រជាពលរដ្ឋជាពិសេសបង ប្អូនពលករខ្មែរ ដែលទើបត្រឡប់មកពីប្រទេសថៃ។ ក្នុងឱកាសនោះដែរ ក្រុមការងារក៏បានផ្សព្វផ្សាយ ពីការអប់រំបណ្តុះបណ្តាល បច្ចេកទេស និងវិជ្ជាជីវៈជូនដល់ អ្នកចូលរួមផងដែរ៕
