(ភ្នំពេញ)៖ កម្ពុជាបានកត់សម្គាល់ ដោយការរំខានចិត្តនូវ របាយការណ៍ដែលបាន លើកឡើងដោយប្រព័ន្ធ ឃោសនាថៃមួយចំនួន កាលពីថ្ងៃទី ០៥ ខែ សីហា ឆ្នាំ ២០២៥ អំពីសកម្មភាពផ្លូវច្បាប់ ប្រឆាំងនឹងកម្ពុជាដែល បានប្រកាសឡើងដោយ រដ្ឋាភិបាលរបស់ថៃ។
វិធានការផ្លូវច្បាប់នេះ គឺពុំមានមូលដ្ឋានសោះឡើយ ហើយវាក៏បង្ហាញឱ្យឃើញ នូវការប៉ុនប៉ងដោយចេតនា ដើម្បីបង្វែរការចាប់អារម្មណ៍ របស់សាធារណៈមតិទាំង ក្នុងប្រទេសថៃ និងអន្តរជាតិ ពីនយោបាយអមិត្ត របស់ថៃប្រឆាំងនឹងកម្ពុជា ជាពិសេសការវាយប្រហារ មិនមានមូលហេតុប្រឆាំង នឹងទឹកដីរបស់កម្ពុជា។
នេះគឺជាការលើក ឡើងរបស់ឯកឧត្តម ជុំ សុន្ទរី រដ្ឋលេខាធិការ និងជាអ្នកនាំពាក្យ ក្រសួងការបរទេស និងសហប្រតិបត្តិការអន្តរជាតិ ដែលបានធ្វើឡើងក្នុងសេចក្តី សង្ខេបព័ត៌មានប្រចាំថ្ងៃ ស្តីពី «លទ្ធផលនៃការអនុវត្តបទ ឈប់បាញ់រវាងកម្ពុជា-ថៃ» នាព្រឹកថ្ងៃទី០៦ ខែសីហា ឆ្នាំ២០០៥។
ឯកឧត្តម ជុំ សុន្ទរី បានថ្លែងថា ចំពោះវិធានការផ្លូវច្បាប់ របស់ថៃនាពេលនេះគឺ វាបានបង្ហាញឱ្យឃើញ យ៉ាងច្បាស់ថាមាន គោលដៅបង្វែងការទិតៀន ដែលកំពុងកើនឡើងស្តីអំពីការ ខូចខាតប្រជាជនស៊ីវិល ការរំលោភបំពានរបស់ថៃ ទៅលើច្បាប់មនុស្សធម៌អន្តរជាតិ ហើយនិងការមិនគោរព ជាបន្តបន្ទាប់របស់ថៃចំពោះកិ ច្ចព្រមព្រៀង ឈប់បាញ់។
ឯកឧត្ដមអ្នកនាំពាក្យ បានគូសបញ្ជាក់ថា ក្នុងចំណោមការចោទប្រកាន់ ធ្វើជាមូលដ្ឋានសម្រាប់ សកម្មភាពផ្លូវច្បាប់ របស់ថៃនេះដែរគឺពុំមាន មូលដ្ឋានរឹងមាំឡើយ ហើយវាមាន ហេតុផលនយោបាយ និងវាក៏មិនមានមូល ដ្ឋានសម្រាប់ ជឿជាក់បានផងដែរ។
ឯកឧត្ដមបានបញ្ជាក់បន្ថែមថា កម្ពុជាសូមបដិសេធជា ដាច់ខាតនូវការចោទ ប្រកាន់ទាំងនោះ ហើយសូមធ្វើការ អះអាងជាថ្មីម្តងទៀត អំពីចំណុចគន្លឹះ មួយចំនួនដូចជា៖
ទី១ កម្ពុជាមិនមែនជាអ្នកចាប់ផ្តើម នូវភាពប្រទូសសារាយនោះទេ ជម្លោះដែលកើតឡើងទៅថ្មីៗ នេះគឺបានចាប់ផ្តើមឡើង ដោយការទន្រ្ទានចូល របស់យោធាថៃ និងការបាញ់ផ្លោង ចូលមកក្នុងទឹកដីកម្ពុជា ដែលជាការរំលោភបំពាន ដោយផ្ទាល់មកលើ អធិបតេយ្យភាពរបស់កម្ពុជា ។
ទី២ កម្ពុជាធ្វើសកម្មភាពក្នុងសិទ្ធិស្វ័យ ការពារស្របច្បាប់ របស់ខ្លួន ដោយកងកម្លាំង ប្រដាប់អាវុធរបស់កម្ពុជា បានធ្វើការឆ្លើយតបសម ស្របទៅតាមសកម្មភាព យោធារបស់ថៃ ហើយមានភាពសមស្រប ទៅតាមមាត្រា៥១ នៃធម្មនុញ្ញនៃអង្គការ សហប្រជាជាតិ សំដៅការពារអធិបតេយ្យភាព និងប្រជាជនស៊ីវិលរបស់ខ្លូនតែប៉ុណ្ណោះ។
ទី៣ កម្ពុជាពុំដែលយក ប្រជាពលរដ្ឋស៊ីវិលធ្វើជា គោលដៅរបស់ខ្លួនសោះឡើយ។ ការខូចខាតរបស់ប្រជាជន ស៊ីវិលដ៏គួរឱ្យសោកស្តាយ ប៉ុន្តែការចោទប្រកាន់ របស់ថៃបានមើលរំលង នូវការពិតដែលថា កងកម្លាំងប្រដាប់អាវុធ របស់ខ្លួនបានវាយប្រហារ តាមក្នុងតំបន់ប្រជាជនស៊ីវិល ដែលជាការរំលោភបំពាន ទៅលើអនុសញ្ញាទីក្រុង ហ្សឺណែវក្នុងទឹកដីកម្ពុជា។ សម្រាប់កងកម្លាំងប្រដាប់ អាវុធរបស់កម្ពុជាវិញ បានគោរពដោយពេញលេញចំពោះច្បាប់មនុស្សធម៌អន្តរជាតិ ហើយមិនដែលយក ប្រជាពលរដ្ឋស៊ីវិលយកជា គោលដៅរបស់ខ្លួនសោះឡើយ។
នឹងទី៤ កម្ពុជានៅមានការ តាំងចិត្តចំពោះសន្តិភាព ថ្វីត្បិតនៅតែបន្តការ បង្ករឿងពីភាគីថៃ តែកម្ពុជានៅតែបន្ត ការតាំងចិត្តដ៏ពេញលេញ ចំពោះកិច្ចព្រមព្រៀងឈប់បាញ់ ។
ជាមួយគ្នានេះ កម្ពុជាទាមទារឱ្យប្រទេសថៃ បញ្ឈប់នូវរាល់ការផ្សាយ ព័ត៌មានមិនពិត និងបញ្ឈប់នូវសកម្មភាព អមិត្តប្រឆាំងនឹងកម្ពុជា ហើយវិលត្រឡប់រកកិច្ច សន្ទនាប្រកបដោយស្ថាបនា ក្នុងស្មារតីសន្ដិសហវិជ្ជមាន និងសាមគ្គីភាព៕
