(ភ្នំពេញ)៖ នាព្រឹកថ្ងៃចន្ទ ទី៤ ខែសីហា ឆ្នាំ២០២៥ វេលាម៉ោង៨:៣០នាទី គណៈកម្មាធិការអចិន្ត្រៃយ៍ ព្រឹទ្ធសភានីតិកាលទី៥ បានរៀបចំកិច្ចប្រជុំក្រោម អធិបតីភាពដ៏ខ្ពង់ខ្ពស់ របស់ឯកឧត្តម អ៊ុច បូររិទ្ធ អនុប្រធានទី១ព្រឹទ្ធសភា ដើម្បីពិនិត្យសម្រេច លើរបៀបវារៈចំនួន៤។
របៀបវារៈទាំង៤ខាងលើ មានដូចខាងក្រោម៖
១-ពិនិត្យ និងសម្រេចលើសុពលភាព បេក្ខជនឈរឈ្មោះបោះឆ្នោត ជ្រើសតាំងជាសមាជិក ក្រុមប្រឹក្សាជាតិ ប្រឆាំងអំពើពុករលួយ១រូប តំណាងព្រឹទ្ធសភា ទៅក្នុងរបៀបវារៈ សម័យប្រជុំព្រឹទ្ធសភាជាវិសាមញ្ញ នីតិកាលទី៥។
២-ពិនិត្យសំណើរបស់សមា ជិកព្រឹទ្ធសភាស្នើសុំកោះប្រជុំ ព្រឹទ្ធសភាជាវិសាមញ្ញ។
៣-កំណត់កាលបរិច្ឆេទ និងរបៀបវារៈសម័យប្រជុំ ព្រឹទ្ធសភាជាវិសាមញ្ញ នីតិកាលទី៥។
៤-ផ្សេងៗ។
