(ភ្នមពេញ)៖ អ្នកនាំពាក្យរាជរដ្ឋាភិបាល បានអំពាវនាវដល់ប្រជាពលរដ្ឋ សូមមានការប្រុងប្រយ័ត្ន ចំពោះព័ត៌មានក្លែងក្លាយ និងព័ត៌មានដែលមាន ប្រភពមិនច្បាស់លាស់។
ថ្លែងក្នុងសន្និសីទសារព័ត៌មាន ស្តីពីលទ្ធផលនៃការ អនុវត្តបទឈប់បាញ់ រវាងកម្ពុជា-ថៃ នាព្រឹកថ្ងៃទី០៤ ខែសីហា ឆ្នាំ២០២៥ នៅទីស្តីកាគណៈរដ្ឋមន្ត្រី ឯកឧត្តម ប៉ែន បូណា រដ្ឋមន្រ្ដីប្រតិភូអម នាយករដ្ឋមន្រ្ដី និងជាប្រធានអង្គភាព អ្នកនាំពាក្យរាជរដ្ឋាភិបាល បានបញ្ជាក់ថា៖ «ខ្ញុំសូមបញ្ជាក់ជូនបងប្អូន ជនរូមជាតិទាំងក្នុង និងក្រៅប្រទេស ពាក់ព័ន្ធនឹងទទួលព័ត៌មាន នៅក្នុងស្ថានភាពទទួលព័ត៌មាន សូមបងប្អូនត្រូវប្រុងប្រយ័ត្នគឺ ព័ត៌មានក្លែងក្លាយ និងព័ត៌មានដែលមាន ប្រភពមិនច្បាស់លាស់ដែល មកបំពុលសតិអារម្មណ៍ ឬបំពុលស្ថានការណ៍ ច្របូកច្របល់ ។ អីចឹងដើម្បីឱ្យបងប្អូនទទួល ព័ត៌មានផ្លូវការ សូមឱ្យតាមដានព័ត៌មាន ដែលចេញពីក្រុមអ្នកនាំ ពាក្យ គេហទំព័រផ្លូវការរបស់ថ្នាក់ដឹក នាំមានគេទំព័ររបស់ សម្តេចបវរធិបតី ហ៊ុន ម៉ាណែត គេហទំព័រហ្វេស៊ុក សម្តេចតេជោ ហ៊ុន សែន និងគេហទំពររបស់ក្រសួងការពារជាតិ ក្រសួងការបរទេស ក្រសួងព័ត៌មាន អង្គភាពអ្នកនាំពាក្យរបស់រាជរដ្ឋាភិបាល និងគេទំព័រសម្រប សម្រួលសារព័ត៌មាន និងសាធារណៈមតិដែលសុទ្ធដឹសឹងជាប្រភពផ្លូវការ»។
ជាមួយគ្នានោះដែរ ឯកឧត្តមអ្នកនាំពាក្យ បានលើកឡើងថា រាជរដ្ឋាភិបាលនៅតែ ប្រកាន់ជំហរគោរពយ៉ាងម៉ឹងម៉ាត់ ឥតប្រែប្រួលចំពោះបទ ឈប់បាញ់ដែលបានចូល ជាធរមានកាលពីថ្ងៃទី២៨ ខែកក្កដា ឆ្នាំ២០២៥ និងជំហររក្សាសន្តិភាព និងពឹងផ្អែកលើច្បាប់អន្តរជាតិកម្ពុជា សមស្របនឹងអ្វីដែល សហគមន៍អន្តរជាតិចង់បាន។
ឯកឧត្ដមបានសង្កត់ធ្ងន់ថា៖ «ដូច្នេះហើយ កម្ពុជាមិននៅតែឯកឯងនោះទេ សហគមន៍អន្តរជាតិឈរ នៅជាមួយ កម្ពុជា ពិសេសប្រទេសបីសំខាន់ ហើយចូលរួមដោយផ្ទាល់ រហូតដល់មានបទឈប់បាញ់ គឺសហរដ្ឋអាមេរិក ចិន និងម៉ាឡេស៊ី»។
ក្នុងឱកាសនោះ ឯកឧត្តម ប៉ែន បូណា បានអំពាវនាវដល់ប្រជាពលរដ្ឋ សូមនាំគ្នាថែរក្សាសាមគ្គី ភាពឯកភាពផ្ទៃក្នុងដ៏រឹងមាំ និងបន្តជ្រោងទង់ជាតិកម្ពុជា ដោយស្រែកបន្លឺសំឡេង ចង់បានសន្តិភាព និងក្នុងនាមជា ប្រជាជាតិដែលស្រឡាញ់ សុខសន្តិភាព ។ ឯកឧត្ដមបានអះអាងថា សំឡេងរបស់ប្រជាពលរដ្ឋខ្មែរ ដែលនៅពាសពេញគ្រប់ ទិសទីលើពិភពលោក កំពុងតែបានទៅដល់ សហគមន៍អន្តរជាតិឱ្យ បានដឹងច្បាស់ថា កម្ពុជាជាប្រជាជាតិ មួយដែលចង់រួមរស់ នៅក្នុងសុខសន្តិភាព រស់នៅដោយគ្មានការបំពាបំពាន។
ឯកឧត្ដមអ្នកនាំពាក្យរាជរដ្ឋាភិបាល ក៏បានបន្ថែមទៀតថា៖ «ខ្ញុំសូមបងប្អូនជឿជាក់ លើថ្នាក់ដឹកនាំរាជរដ្ឋាភិបាល និងវីរៈកងទ័ព វីរៈកងប្រដាប់អាវុធដ៏អង់ អាចក្លាហានរបស់យើង ក្នុងការការពារបូរណភាពទឹកដី និងសុខសន្តិភាព ជូនបងប្អូនយើងទាំងអស់គ្នា»៕
