(ខេត្តព្រះសីហនុ)៖ នៅថ្ងៃទី០៣ ខែសីហា ឆ្នាំ២០២៥ ឯកឧត្តម ម៉ាង ស៊ីណេត ប្រធានគណៈ កម្មាធិការសាខា កាកបាទក្រហមកម្ពុជា ខេត្តព្រះសីហនុ បានអញ្ជើញចុះសួរសុខទុក្ខ និងនាំយកអំណោយ សប្បុរសធ៌មរបស់ សាខាកាកបាទក្រហម កម្ពុជាខេត្តជូនដល់ លោក ព្រៀប ចំរើន ជាយោធិន ដែលមកសម្រាក ព្យាបាលជំងឺនៅ មន្ទីរពេទ្យបង្អែកខេត្តព្រះសីហនុ។
ក្នុងឱកាសនោះឯកឧត្តម ក៏បានពាំនាំនូវប្រសាសន៍ ផ្តាំផ្ញើសួរសុខទុក្ខរបស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា និងលោកជំទាវទី១ ពេជ ចន្ទមុន្នី ហ៊ុនម៉ាណែត អនុប្រធានកាកបាទក្រហមកម្ពុជា ដោយសម្តេចមិនទុក ប្រជាពលរដ្ឋណាម្នាក់ចោលឡើយ ជាពិសេសបងប្អូនយោធា នៅសមរភូមិមុខ រួមទាំងបងប្អូនអតីតយុទ្ធជន ទោះក្នុងពេលវេលាណាក៏ដោយ។ ឯកឧត្តមអភិបាល បានផ្តាំផ្ញើដល់ក្រុមគ្រូពេទ្យ សូមជួយយកចិត្ត ទុកដាក់ក្នុងការថែទាំ និងព្យាបាលដោយមិនគិតកម្រៃ។
ស្របពេលវេលាជា មួយគ្នានោះដែរ ឯកឧត្តមក៏បានសួរនាំ ដល់សាច់ញាតិរបស់យោធិន របស់យើងដែលនៅ មើលថែក្នុងគោលបំណង សម្របសម្រួលរកការងារ នៅខេត្តព្រះសីហនុជូន៕
