(ភ្នំពេញ)៖ ឯកឧត្តម ទូចវណ្ណៈ៖ ក្នុងនាមពលរដ្ឋខ្មែរ ១រូប ខ្ញុំពិតជាមានមោទនភាពជាខ្លាំង ដែលកម្ពុជារបស់យើង មានថ្នាក់ដឹកនាំ ប្រកបដោយភាពឈ្លាសវៃ និងទស្សនវិស័យវែងឆ្ងាយ ក្នុងការដឹកនាំ និងការពារបូរណភាពទឹកដី អធិបតេយ្យភាពជាតិ ការពារប្រជាជន ប្រឈមនឹងការឈ្លានពាន របស់បរទេស។
ជាងនេះទៅទៀត ខ្ញុំក៏សូមគោរពនិងកោត សរសើរដោយស្មោះចំពោះ វីរភាពរបស់វីរយុទ្ធជន ឈរជើងនៅសមរភូមិជួរមុខទាំងអស់ ដែលបានប្រយុទ្ធ តស៊ូយ៉ាងស្វិតស្វាញ ធ្វើពលិកម្មដើម្បីជាតិ មាតុភូមិ ជាទីស្រឡាញ់នៃយើង។
ខ្ញុំ និងក្រុមគ្រួសារ ក៏ដូចប្រជាពលរដ្ឋខ្មែរទាំងក្នុង និងក្រៅប្រទេស ចងចាំជានិច្ចនូវគុណូបការៈ ដ៏ថ្លៃថ្លារបស់វីរយុទ្ធជនទាំងអស់ ពិសេសចំពោះអ្នកដែល បានពលីជីវិតនៅក្នុងសមរភូមិ។
ដើម្បីជាការរំលឹកដល់ វីរយុទ្ធជនស្នេហាជាតិទាំ ងអស់នោះ ក្នុងនាមជាពលរដ្ឋមួយរូប ខ្ញុំសូមគោរពស្នើដល់ រាជរដ្ឋាភិបាលកម្ពុជា ជួយកសាងរូបសំណាក ឬស្តូបរំលឹកវិញ្ញាណក្ខន្ធ មានតម្កល់រូបថតភ្ជាប់ដោយជីវប្រវត្តិសង្ខេបរបស់វីរកងទ័ព ដែលបានពលីជីវិត ក្នុងបុព្វហេតុការពារបូរណភាពទឹកដី ក្នុងជម្លោះប្រដាប់អាវុធរវាងកម្ពុជា-ថៃ នៅទីតាំងណាមួយ ដើម្បីទុកជានិមិត្តរូបនៃវីរភាពដ៏ អង់អាចក្លាហានរបស់ពួកគាត់ និងដើម្បីឱ្យប្រជាពលរដ្ឋ បានគោរពដឹងគុណ និងចងចាំនូវគុណបំណាច់ដ៏ ថ្លៃថ្លារបស់វីរយុទ្ធជនទាំងអស់នោះ បន្ទាប់ពីជម្លោះប្រដាប់អាវុធរវាងកម្ពុជា និងថៃ ត្រូវបានបញ្ចប់ជាស្ថាពរ។
ជាមួយគ្នានេះ ខ្ញុំសូមចូលរួមរំលែកមរណ ទុក្ខដ៏ក្រៀមក្រំបំផុតជា មួយក្រុមគ្រួសារនៃសពវីរកងទ័ព និងនគរបាល ដែលបានពលីជីវិតក្នុង ជម្លោះប្រដាប់អាវុធ កម្ពុជា-ថៃ និងសូមឧទ្ទិសបួងសួង ដល់គុណបុណ្យព្រះរតនត្រ័យ វត្ថុស័ក្តិសិទ្ធិទាំងឡាយក្នុងលោក សូមជួយដឹកនាំដួងវិញ្ញាណក្ខន្ធ របស់វីរកងទ័ព និងនគរបាលទាំងនោះ បានទៅសោយសុខ ក្នុងឋានសុគតិភព កុំបីឃ្លៀងឃ្លាតឡើយ៕
