(ភ្នំពេញ)៖ នៅព្រឹកថ្ងៃទី៣០ខែ កក្កដាឆ្នាំ២០២៥នេះ កម្លាំងអង្គភាពស៊ីម៉ាក់ឆ្លើយតប សំណើរបស់ប្រជាពលរដ្ឋ ដែលរងគ្រោះដោយការទម្លាក់ គ្រាប់បែកចំផ្ទះរបស់គាត់។
នេះបើតាមទំព័រហ្វេសបុកលោក ហេង រតនា ប្រតិភូរាជរដ្ឋាភិបាល ទទួលបន្ទុកជាអគ្គនាយក ស៊ីម៉ាក់បង្ហោះលើ បណ្តាញសង្គមហ្វេសបុកមុននេះ។
លោកបានសររសេរថា នេះជាប្រភេទគ្រាប់បែក MK-84 មានទម្ងន់ជិត១តោន (១,០០០គីឡូក្រាម) មានប្រវែងសរុបប្រមាណ ៣.៥ម៉ែត្រ មានជាតិផ្ទុះជាង៥០០គីឡូក្រាម ជាគ្រាប់បែកមានទំហំធំ ជាងបំផុតក្នុងចំណោមប្រភេទគ្រាប់បែកក្នុងក្រុមគ្រាប់បែកMK (MK-81, MK82, MK-83 និងMK-84) ដែលបានទម្លាក់ដោយកងទ័ពអាកាសសៀមកាលពីកន្លងទៅថ្មីនេះ។
សូមបញ្ជាក់ថា គ្រាប់បែកប្រភេទMK-84នេះ ក៏កម្រប្រើប្រាស់ទម្លាក់ណាស់ កាលពីសម័យសង្គ្រាមឥណ្ឌូចិន។
