(ភ្នំពេញ)៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្ដីនៃព្រះរាជាណាចក្រកម្ពុជា នារសៀលថ្ងៃទី៣០ ខែកក្កដា ឆ្នាំ២០២៥ បានផ្ញើសារថ្លែងអំណរគុណ ដល់ធនាគារ អេស៊ីលីដា ភីអិលស៊ី ( ACLEDA Bank Plc.) ដែលបានសម្រេចលុប ចោលបំណុលទាំងស្រុង ជូនដល់យោធិនពលីជីវិត និងអ្នករួមខ្ចី ដែលបានបំពេញ ប្រតិបត្តិការក្នុងសមរភូមិ ការពារបូរណភាពទឹកដីកម្ពុជា។
គួរជម្រាបជូនថា ការសម្រេចលុបចោលបំណុលនេះ បានធ្វើឡើងតបតាមការអំពាវនាវ របស់សម្តេចមហាបវរធិបតី ហ៊ុន ម៉ាណែត និងតបតាមសេចក្ដី ណែនាំរបស់ធនាគារជាតិនៃកម្ពុជា និងដើម្បីជាការតបស្នង នូវភាពអង់អាចក្លាហាន ជូនយោធិនពលី ឬយោធិនពិការ ដែលបានលះបង់សាច់ស្រស់ ឈាមស្រស់ តស៊ូយ៉ាងមោះមុតក្នុងកិច្ច ខិតខំប្រឹងប្រែងការពារ បូរណភាពទឹកដី និងស្វែងរកសន្តិភាពជូន ប្រជាជនកម្ពុជា ក្នុងអំឡុងពេលជម្លោះព្រំដែន កម្ពុជា–ថៃ។
