(ខេត្តបាត់ដំបង)៖ បើទោះបីជាមានការគោរពពីបទ ឈប់បាញ់ក៏ដោយ ក៏កម្លាំងប្រដាប់អាវុធយើង នៅតែពង្រឹងជំហរដាច់ខាតដើម្បី ការពារដែនអធិបតេយ្យភាព កម្ពុជាមិនឱ្យសត្រូវណា ឈ្លានពានបានឡើយ។
លោកវីរៈសេនីយ៍ឯក សូត្រ សំអុល មេបញ្ជាការវរសេនាតូច នគរបាលវរៈការពារព្រំដែនគោក លេខ ៨២៣ ប្រចាំទិសសំឡូតបានបញ្ជាក់យ៉ាងមោះមុតថា ដោយយោងតាមបទ បញ្ជាយ៉ាងម៉ឹងម៉ាត់របស់លោកឧត្តមសេនីយ៍ ដាញ់ អេងប៊ុនចាន់ ស្នងការ នៃស្នងការដ្ឋាន នគរបាលខេត្តបាត់ដំបង បច្ចុប្បន្នបើទោះបីជាយើង មានការគោរពបទឈប់បាញ់ ក៏ដោយក៏ជំហររបស់កងទ័ព នៅតែប្ដេជ្ញាចិត្តការពារដែន អធិបតេយ្យភាពកម្ពុជា ពុំមានការធ្វេសប្រហែសបានឡើយ។
លោកបានសង្កត់ធ្ងន់ថា ទោះបីជាទិសសំឡូត ពុំមានការប៉ះទង្គិចអំពីកម្លាំង ប្រដាប់អាវុធក៏ដោយ ក៏កម្លាំងរបស់លោកទាំង អស់នៅតែពង្រឹងជំហរ ដោយពុំមានការធ្វេសប្រហែស មួយវិនាទីណាឡើយ ព្រោះវាជាកាតព្វកិច្ចរបស់កងកម្លាំង ដែលត្រូវគោរពនិង អនុវត្តតាមបទបញ្ជារបស់ ប្រមុខនៃរាជរដ្ឋាភិបាល ដែលម្នាក់ៗប្រកាន់ ជំហរស៊ូស្លាប់ដើម្បីការពារជាតិ ឱ្យបានគង់វង្ស។
លោកបានអះអាងបន្តថា បច្ចុប្បន្នច្រកតំបន់ ៤០០ គឺជាច្រកមួយដែល ស្ថិតក្នុងស្រុកសំឡូត ខេត្តបាត់ដំបង ដែលនៅពេលនេះដែរច្រក តំបន់នេះគឺត្រូវបានបិទទាំងស្រុង ដោយពុំមានការអនុញ្ញាត ឲ្យនរណាម្នាក់ឆ្លងកាត់ឡើយ ទាំងភាគីកម្ពុជានិងភាគីថៃ លុះត្រាណាដែលមានបទ បញ្ជាពីថ្នាក់ដឹកនាំជាថ្មី ៕
