អ្នកនាំពាក្យក្រសួងការពារជាតិ ច្រានចោលចំពោះ ការលើកឡើងរបស់ អ្នកនាំពាក្យជើងគោកថៃ ដែលលើកឡើងថា មានការប្រយុទ្ធគ្នាកើតឡើង

(ភ្នំពេញ)៖ លោកជំទាវឧត្តមសេនីយ៍ឯក ម៉ាលី សុជាតា អ្នកនាំពាក្យក្រសួង ការពារជាតិកម្ពុជា ប្រកាសច្រានចោលចំពោះការលើកឡើង របស់អ្នកនាំពាក្យជើងគោកថៃ ដែលលើកឡើងថាមាន ការប្រយុទ្ធគ្នាកើតឡើង។

ថ្លែងនៅក្នុងសន្និសីទ សារព័ត៌មាននៅវិមានសន្តិភាព ទីស្ដីការគណៈរដ្ឋមន្ត្រី នៅព្រឹក ថ្ងៃអង្គារ ទី២៩ ខែកក្កដា ឆ្នាំ២០២៥ នេះ បានគូសបញ្ជាក់ថា កងកម្លាំងប្រដាប់អាវុធកម្ពុជា បានអនុវត្តបានយ៉ាងម៉ឺងម៉ាត់ នូវបទបញ្ជា និងកិច្ចព្រមព្រៀង នៃបទឈប់បាញ់ចាប់តាំងពីម៉ោង ១២ យប់ថ្ងៃទី២៨ ខែកក្កដា ឆ្នាំ២០២៥។ ជាមួយគ្នានេះក៏មានកិច្ច ប្រជុំរវាងភូមិភាគនៃ ប្រទេសទាំងពីរ ផងដែរ រួមមានយោធភូមិភាគទី ៥ ទី៤ និងទី៣ ដើម្បីជួបពិភាក្សាគ្នា ក្នុងការអនុវត្តបទឈប់ បាញ់ឱ្យបានពេញលេញ។

អ្នកនាំពាក្យខាងលើ បានបន្តថា កម្ពុជាបានប្តេជ្ញាចិត្តយ៉ាងច្បាស់លាស់ ម៉ឺងម៉ាត់ក្នុងការគោរព និងអនុវត្តតាមលក្ខខណ្ឌ នៃសេចក្តីប្រកាសរួមនៃបទ ឈប់បាញ់រវាងកងទ័ពកម្ពុជា និងកងទ័ពថៃ ដែលបានសម្រេច នៅប្រទេសម៉ាឡេ ស៊ីកាលពីថ្ងៃម្សិលមិញ៕

You might like

Leave a Reply

Your email address will not be published. Required fields are marked *