(ភ្នំពេញ)៖ ក្រោយមានកិច្ចសម្របសម្រួល ដោយប្រទេសម៉ាឡេស៊ី បានធ្វើអោយកិច្ចឈប់បាញ់គ្នា ត្រូវបានភាគីកម្ពុជានិងថៃ បានចាប់អនុវត្តកាលពី រំលងអធ្រាត្រចូលថ្ងៃទី២៩ ខែកក្កដា ឆ្នាំ២០២៥។
យោងតាមលោកជំទាវឧត្តមសេនីយ៍ឯក ម៉ាលី សុជាតា អនុរដ្ឋលេខាធិកានិងជា អ្នកនាំពាក្យក្រសួងការពារជាតិ ដែលបានលើកឡើងនៅក្នុងសន្និសីទសារព័ត៌មាន អំពីបច្ចុប្បន្នភាពនៃការវិវត្ត បទឈប់បាញ់គ្នារវាងកម្ពុជា និងថៃ នាព្រឹកថ្ងៃទី២៩ ខែកក្កដា ឆ្នាំ២០២៥នេះ បានអោយដឹងថា បន្ទាប់ពីនេះគឺភាគីកម្ពុជានិងថៃ ត្រូវអនុវត្តនូវ លក្ខខណ្ឌមួយចំនួននៅក្នុង ការឯកភាពគ្នាដើម្បីធានាបាន ប្រសិទ្ធភាពនៃបទឈប់បាញ់គ្នានេះ។
ការងារជំហានដំបូងគឺ៖ ទី១- បញ្ឈប់ការបាញ់គ្នា។ ទី២- មិនត្រូវមានការចល័តទ័ពឬបន្ថែមទ័ព។ ទី៣- កងទ័ពភាគីទាំងពីរត្រូវរក្សានៅទីតាំងដដែលចាប់ពីម៉ោង ២៤និង០០ នាទីម៉ោងនៅក្នុងតំបន់នៅថ្ងៃទី២៨ ខែកក្កដា ឆ្នាំ ២០២៥។ ចំណុចទី៤- ត្រូវបង្កើតក្រុមការងារទំនាក់ទំនង មួយដើម្បីធ្វើការងារជាមួយគ្នានេះ។
ការងារជំហានបន្ទាប់គឺ៖ ការរៀបចំកិច្ចប្រជុំក្រៅផ្លូវការ ក្នុងក្របខណ្ឌមេបញ្ជាការភូមិភាគ ក្នុងនោះមានភូមិភាគទី១ និងភូមិភាគទី២ និងបញ្ជាការដ្ឋានព្រំដែនខេត្តច័ន្ទបុរី និងខេត្តត្រាតរបស់ថៃជួបប្រជុំគ្នាជាមួយនឹងយុទ្ធភូមិភាគទី៤និងទី៥ និងបញ្ជាការដ្ឋានភូមិភាគទី៣ របស់កម្ពុជានៅម៉ោង៧ព្រឹក ថ្ងៃទី២៩ កក្កដានេះ។
ជាក់ស្តែងភូមិភាគទី៥ របស់កម្ពុជាបានជួបប្រជុំ ជាមួយនឹងយុទ្ធភូមិភាគទី១ របស់ថៃ នៅទីតាំងក្បាលស្ពាននៅព្រឹកម៉ោង៧នេះ។
នឹងមានកិច្ចប្រជុំរវាង មេបញ្ជាការដ្ឋានភូមិភាគ៣ កម្ពុជានិងបញ្ជាការដ្ឋាន ព្រំដែនខេត្តច័ន្ទបុរី និងខេត្តត្រាត តាមវីដេអូហ្សូមនៅ វេលាម៉ោង៩ព្រឹក ថ្ងៃទី២៩ ខែកក្កដានេះ។
នឹងមានការរៀបចំសម្រាប់កិច្ច ប្រជុំរវាងយុទ្ធភូមិភាគទី៤ របស់ថៃ និងយុទ្ធភូមិភាគទី៤ របស់កម្ពុជា នៅអូស្មាច់ នៅវេលាម៉ោង១០ព្រឹកនេះ។
ដើម្បីធានាបាននូវការ ឯកភាពគ្នានៃកិច្ចឈប់បាញ់គ្នា ជាជំហានបន្ទាប់គឺត្រូវបង្កើត យន្តការតាមដាន និងត្រួតពិនិត្យមួយឡើង ដែលរៀបចំដឹកនាំដោយ តំណាងអាស៊ាន ដែលមានប្រទេសម៉ាឡេស៊ីជាប្រធាន ដើម្បីកោះអញ្ជើញសេនានុព័ន្ធ យោធាប្រទេសនានាដើម្បីឈាន ដល់កិច្ចប្រជុំឡើងវិញនៅប្រក្រតី ភាពនៃទំនាក់ទំនងប្រទេស ទាំងពីរក្នុងនោះត្រូវមានក្រុម សង្កេតការណ៍និងត្រូវបាន បង្កើតឡើងដើម្បីផ្ទៀងផ្ទាត់ ដើម្បីធានាបាននូវ បទឈប់បាញ់គ្នា។
ម៉ាឡេស៊ីនឹងពិគ្រោះយោបល់ ជាមួយនឹងសមាជិកអាស៊ាន ផ្សេងទៀតដើម្បីរួមចំណែក ដល់កិច្ចប្រឹងប្រែងសង្កេតការណ៍ ឆ្លុះបញ្ចាំងអំពីការប្តេជ្ញាចិត្ត ក្នុងកម្រិតតំបន់ក្នុងការគាំទ្រ សន្តិភាពនៅលើដីជាក់ស្ដែង។
វត្តមាននិងកិច្ចសហការ របស់ភាគីទាំងអស់គូស បញ្ជាក់អំពីការប្តេជ្ញាចិត្តរួមគ្នា ចំពោះសន្តិភាព កិច្ចសន្ទនានិងស្ថេរភាពតំបន់។ ជំហានបន្ទាប់នៅក្នុងកិច្ចការ ទាំងអស់នេះគឺមានការ កោះប្រជុំគណៈកម្មការព្រំដែន ទូទៅនៅថ្ងៃទី៤ ខែសីហា ឆ្នាំ២០២៥ខាងមុខនេះ ដែលកម្ពុជាធ្វើជាម្ចាស់ផ្ទះ។ ភាគីទាំង២ក៏យល់ព្រម ផងដែរនៅក្នុងការ បន្តឡើងវិញនូវទំនាក់ទំនង
រវាងនាយករដ្ឋមន្ត្រី រដ្ឋមន្ត្រីការបរទេស រដ្ឋមន្ត្រីក្រសួងការពារជាតិនៃប្រទេសទាំង២ គឺរដ្ឋមន្ត្រីការបរទេស និងរដ្ឋមន្ត្រីការពារជាតិនៃកម្ពុជានិងថៃ។
ប្រទេសម៉ាឡេស៊ីនឹងណែនាំលម្អិត នៃការអនុវត្តទៀងផ្ទាត់និង រាយការណ៍អំពីបទឈប់បាញ់ គ្នាដែលយន្តការនេះដើរតួនាទីជាគ្រឹះ និងទំនួលខុសត្រូវប្រកប ដោយចីរភាព៕
