(ខេត្តបន្ទាយមានជ័យ)៖ នៅព្រឹកថ្ងៃអាទិត្យ ២កើត ខែស្រាពណ៍ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី២៧ ខែកក្កដា ឆ្នាំ២០២៥លោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ បានអមដំណើរ ឯកឧត្ដម កែ គឹមយ៉ាន តំណាងរាស្រ្តមណ្ឌលខេត្តបន្ទាយមានជ័យ និងឧត្តមប្រឹក្សាផ្ទាល់ព្រះមហាក្សត្រនៃព្រះរាជាណាចក្រកម្ពុជា អញ្ជើញចុះសួសុខទុក្ខប្រជាពលរដ្ឋដែលជម្លៀសខ្លួនចំនួន១៦៦គ្រួសារ មកពីបន្ទាត់ព្រំដែន ស្នាក់នៅក្នុងវត្តប្រាសាទ ស្រុកស្វាយចេក ខេត្តបន្ទាយមានជ័យ ។
ពិធីនេះដែរក៏មានការ អញ្ជើញចូលរួមពីឯកឧត្តម លោកជំទាវ សមាជិកព្រឹទ្ធសភា សមាជិករដ្ឋសភា ក្រុមការងាររាជរដ្ឋាភិបាល ចុះមូលដ្ឋានខេត្តបន្ទាយមានជ័យ ឯកឧត្តម ប្លែក វ៉ារី ប្រធានក្រុមប្រឹក្សាខេត្ត លោក កែ សួនសុភាព អភិបាលរងខេត្ត លោកអភិបាលស្រុក និងមន្ទីរនានាក្នុងខេត្ត ។
ក្នុងឱកាសនោះ ឯកឧត្តម កែ គឹមយ៉ាន បានជូន គ្រឿងឧបភោគ បរិភោគដល់បងប្អូន ប្រជាពលរដ្ឋដែលបាន ជម្លៀសខ្លួនចំនួន ១៦៦គ្រួសារ ក្នុងមួយគ្រួសារទទួលបាន អង្ករចំនួន ២៥គីឡូ ត្រីខ ចំនួន១យួរ ទឹកត្រី ចំនួន ១យួរ ទឹកសុីអុីវចំនួន ១យួរ ទឹកសុទ្ធវីតាល់ចំនួន១កេស មីចំនួន១កេស សារ៉ុងចំនួន១ ក្រម៉ាចំនួន១ ៕
