(ភ្នំពេញ)៖ ឯកឧត្តម ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា បានថ្លែងអំណរគុណ យ៉ាងជ្រាលជ្រៅចំពោះ ការគាំទ្រឥតឈប់ ឈររបស់ប្រទេសចិន ក្នុងការចូលរួម អភិវឌ្ឍន៍សេដ្ឋ កិច្ចសង្គមកម្ពុជា។
ក្នុងជំនួបពិភាក្សា ការងារជាមួយ ឯកឧត្តម វ៉ាង យី (Wang Yi) សមាជិកការិយា ល័យនយោបាយ, ប្រធានការិយាល័យ គណៈកម្មការកិច្ចការ បរទេសនៃគណៈកម្មាធិការ មជ្ឈឹមបក្សកុម្មុយនីស្តចិន, និងជារដ្ឋមន្ត្រី ការបរទេសចិន នៅរដ្ឋធានីប៉េកាំង នាសាធារណរដ្ឋ ប្រជាមានិតចិន នៅថ្ងៃអង្គារ ទី១៦ ខែកញ្ញា ឆ្នាំ២០២៥នេះ ឯកឧត្តម ស៊ុន ចាន់ថុល ឧបនាយករដ្ឋមន្ត្រី បានគូសរំលចថា ចំពោះកិច្ចសហ ប្រតិបត្តិការវិនិយោគរវាង ប្រទេសទាំងពីរបាន មានភាពរីកចម្រើន គួរឱ្យកត់សម្គាល់ ពោលលំហូរវិនិយោគ ផ្ទាល់ពីបរទេស (FDI) កាលពីឆ្នាំ២០១២មានទំហំតិចជាង ៥០០លានដុល្លារអាម៉េរិក ហើយក្នុងឆ្នាំ២០២៤កើន ឡើងដល់ប្រមាណ ៣,៤ពាន់លានដុល្លារអាម៉េរិក។
ថ្នាក់ដឹកនាំកម្ពុជាខាងលើ បានបន្ថែមងា តំបន់សេដ្ឋកិច្ចពិសេស បានដើរតួនាទីយ៉ាងសំខាន់ ក្នុងការទាក់ទាញវិនិយោគ ផ្ទាល់ពីបរទេសពិសេស ពីប្រទេសចិន។ បច្ចុប្បន្នកម្ពុជាបាន អនុម័តតំបន់សេដ្ឋកិច្ច ពិសេសចំនួន ៥៧តំបន់ ហើយក្នុងនោះមាន ១១តំបន់គឺជាការវិនិ យោគរបស់វិនិយោគិនចិន។
តាមអនុប្រធានទី១ ក្រុមប្រឹក្សាអភិវឌ្ឍន៍កម្ពុជា គិតចាប់ពីឆ្នាំ២០២០ ដល់ខែកក្កដា ឆ្នាំ២០២៥ មានគម្រោង វិនិយោគប្រមាណ ៤០០គម្រោង បានចូលមកបណ្ដាក់ ទុនវិនិយោគរួចរាល់ នៅក្នុងតំបន់ សេដ្ឋកិច្ចទាំងនោះ។ ជាមួយគ្នានេះដែរ ចំពោះការវិនិយោគ ផ្ទាល់ពីបរទេស គិតត្រឹមរយៈពេល ៨ខែ នៃឆ្នាំ២០២៥នេះ មានគម្រោងវិនិយោគចំនួន ៤៩១គម្រោងហើយដែល ក្រុមប្រឹក្សាអភិវឌ្ឍន៍កម្ពុជា បានអនុម័តជូនវិនិ យោគិនដើម្បីបណ្ដាក់ ទុនវិនិយោគនៅកម្ពុជា។
ឆ្លៀតនាឱកាសនោះ ឯកឧត្តម វ៉ាង យី (Wang Yi) បានវាយតម្លៃខ្ពស់លើ កិច្ចសហប្រតិបត្តិការ ត្បូងពេជ្រ ដែលរួមចំណែក ដល់ការពង្រឹងមិត្តភាព ដែកថែបឱ្យកាន់តែកក់ក្តៅ សំដៅបង្កើតសហគមន៍ វាសនារួមនិង ផលប្រយោជន៍ទៅវិញទៅមក។
