(ភ្នំពេញ)៖ ឯកឧត្តម មាស សុភ័ណ្ឌ រដ្ឋលេខាធិការទីស្តីការ គណៈរដ្ឋមន្ត្រី និងជាអ្នកនាំពាក្យ នាយករដ្ឋមន្ត្រី បានឱ្យដឹងថា ចិនគាំទ្របទ ឈប់បាញ់រវាង កម្ពុជា-ថៃ គាំទ្រយន្តការបទឈប់ បាញ់របស់អាស៊ាន និងគាំទ្រការរៀបចំបង្កើត ក្រុមសង្កេតការណ៍ អាស៊ាន AOT ដែលដឹកនាំដោយ ម៉ាឡេស៊ីឱ្យបានឆាប់។
ក្នុងសន្និសីទសារព័ត៌មាន ស្តីពីលទ្ធផលនៃ ការចូលរួមរបស់ សម្តេចធិបតី ក្នុងកិច្ចប្រជុំកំពូល អង្គការសហ ប្រតិបត្តិការសៀងហៃ បូក នាពាក់កណ្ដាល អធ្រាត្រថ្ងៃទី០២ ខែកញ្ញា ឆ្នាំ២០២៥ នៅអាកាសយានដ្ឋាន អន្តរជាតិភ្នំពេញ ឯកឧត្តម អ្នកនាំពាក្យ នាយករដ្ឋមន្ត្រី បានថ្លែងថា ឯកឧត្តម ស៊ី ជីនពីង ប្រធានាធិបតីនៃ សាធារណរដ្ឋ ប្រជាមានិតចិន បានបញ្ជាក់ថា មិត្តចិនគាំទ្រចំពោះ កម្ពុជានៅក្នុងការ កសាងនិងការពង្រឹង សមត្ថភាពអភិវឌ្ឍន៍ ដោយម្ចាស់ការលើខ្លួនឯង និងគាំទ្រកម្ពុជាក្នុងការ ការពារអធិបតេយ្យ ជាតិរបស់ខ្លួន។
ទន្ទឹមនឹងនេះ ឯកឧត្តម ប្រធានាធិបតី ក៏បានប្រកាសផ្ដល់ ជំនួយមនុស្សធម៌ ចំនួន២០លានយ័ន ដល់កម្ពុជាដើម្បីជួយស្ដារ ឡើងវិញនូវការខូចខាត និងជួយសម្រួលដល់ ទុក្ខលំបាករបស់ ប្រជាពលរដ្ឋដែល រងគ្រោះពីការប៉ះទង្គិច ប្រដាប់អាវុធកាល ពីចុងខែកក្កដាកន្លងទៅ។
សូមរម្លឹកជូនថា កាលរសៀលថ្ងៃទី៣០ ខែសីហា ឆ្នាំ២០២៥ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃ ព្រះរាជាណាចក្រកម្ពុជា បានដឹកនាំគណៈ ប្រតិភូជួបប្រជុំការងារ ទ្វេភាគីជាមួយ ឯកឧត្តម ស៊ី ជីនពីង ប្រធានាធិបតី នៃសាធារណរដ្ឋ ប្រជាមានិតចិន ក្នុងឱកាសនៃការ ចូលរួមកិច្ចប្រជុំកំពូល នៃអង្គការសហ ប្រតិបត្តិការសៀងហៃ បូក ពីថ្ងៃទី៣០ ខែសីហា ដល់ថ្ងៃទី០១ ខែកញ្ញា ឆ្នាំ២០២៥ នៅទីក្រុងធានជីង សាធារណរដ្ឋប្រជាមានិតចិន។
ក្នុងឱកាសនៃជំនួប ឯកឧត្តមប្រធានាធិបតី បានសម្តែងការ ស្វាគមន៍ប្រកបដោយ មនោសញ្ចេតនាយ៉ាង ជ្រាលជ្រៅបំផុត ជូនចំពោះ សម្តេចបវរធិបតី និងគណៈប្រតិភូរាជ រដ្ឋាភិបាលកម្ពុជា ដែលបានឆ្លៀត ឱកាសដ៏មមាញឹក អញ្ជើញចូលរួមកិច្ច ប្រជុំកំពូលនៃអង្គការ សហប្រតិបត្តិការសៀងហៃ បូក នៅសាធារណរដ្ឋ ប្រជាមានិតចិន នាពេលនេះ។
ឯកឧត្តមប្រធានាធិបតី បានចាត់ទុកវត្តមាន របស់សម្តេចបវរធិបតី គឺជាកាលានុវត្តភាពដ៏សំខាន់ ដើម្បីបន្តរឹត ចំណងមិត្តភាពដែកថែប និងពង្រីកសាមគ្គីភាព ចិន-កម្ពុជា ឱ្យកាន់តែរឹងមាំថែមទៀត បន្ទាប់ពីទស្សន កិច្ចផ្លូវរដ្ឋរបស់ឯកឧត្តម កាលពីខែមេសា កន្លងទៅ៕
