(ភ្នំពេញ)៖សម្តេចអគ្គមហា សេនាបតីតេជោ ហ៊ុន សែន ប្រធានព្រឹទ្ធសភានៃ ព្រះរាជាណាចក្រកម្ពុជា និងជាប្រធានគណបក្ស ប្រជាជនកម្ពុជា នារសៀលថ្ងៃទី១ ខែកញ្ញានេះ បានអញ្ជើញជួប ពិភាក្សាការងារ ជាមួយ ឯកឧត្តម To Lam អគ្គលេខាធិការ គណបក្សកុម្មុយ នីស្តវៀតណាម នៅទីស្នាក់ការមជ្ឈិម បក្សវៀតណាម ទីក្រុងហាណូយ។
បន្ទាប់ពីបញ្ចប់ជំនួប សម្តេចតេជោ ហ៊ុន សែន និងគណៈប្រតិភូជាន់ខ្ពស់កម្ពុជា អញ្ជើញចូលរួមពិធីលៀងសាយភោជន៍ រៀបចំដោយ ឯកឧត្តម To Lam ជូនចំពោះថ្នាក់ដឹកនាំ និងគណៈប្រតិភូ គ្រប់បណ្តាប្រទេស ដែលអញ្ជើញចូលរួម ពិធីរំលឹកខួបអនុស្សាវរីយ៍ លើកទី៨០ នៃបដិវត្តខែសីហា និងទិវាបុណ្យឯករាជ្យ ជាតិវៀតណាម។
