(ភ្នំពេញ)៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានសង្កត់ធ្ងន់ពី ភាពចាំបាច់ នៃការពង្រីក បន្ថែមទៀត នូវពាណិជ្ជកម្ម និងការវិនិយោគទ្វេភាគី តាមរយៈការប្រើប្រាស់ កិច្ចព្រមព្រៀងពាណិជ្ជកម្ម សេរីកម្ពុជា-ចិន ។
យោងតាមសេចក្តី ប្រកាសព័ត៌មាន របស់ក្រសួងការបរទេស និងសហប្រតិ បត្តិការអន្តរជាតិ ផ្សព្វផ្សាយជា សាធារណៈនាថ្ងៃទី១ ខែកញ្ញា ឆ្នាំ២០២៥នេះ បានឱ្យដឹងថា សម្តេចធិបតីនាយករដ្ឋមន្ត្រី ហ៊ុន ម៉ាណែត បានជួប សម្តែងការគួរសមជាមួយ ប្រធានាធិបតីចិន ស៊ី ជីនពីង ក្នុងឱកាសកិច្ច ប្រជុំកំពូលអង្គការ សហប្រតិបត្តិការ សៀងហៃបូក កាលពីថ្ងៃទី៣០ ខែសីហា ឆ្នាំ២០២៥ នៅទីក្រុងធានជីន នៃសាធារណរដ្ឋ ប្រជាមានិតចិន ។
ក្នុងជំនួបនេះសម្តេចធិបតី ហ៊ុន ម៉ាណែត នាយករដ្ឋមន្ត្រី បានថ្លែងអំណរ គុណយ៉ាងជ្រាលជ្រៅ ចំពោះការរួមចំណែក ដ៏យូរអង្វែងរបស់ ប្រទេសចិន ក្នុងការអភិវឌ្ឍ សេដ្ឋកិច្ចសង្គមកម្ពុជា ។
ជាមួយគ្នានេះ សម្តេចធិបតី នាយករដ្ឋមន្ត្រី បានសង្កត់ធ្ងន់ ពីភាពចាំបាច់ នៃការពង្រីកបន្ថែមទៀត នូវពាណិជ្ជកម្ម និងការវិនិយោគទ្វេភាគី ការពង្រីកខ្សែ ច្រវ៉ាក់ផ្គត់ផ្គង់ តាមរយៈការប្រើប្រាស់ កិច្ចព្រមព្រៀង ពាណិជ្ជកម្មសេរី កម្ពុជា-ចិន ។ បន្ថែមលើនេះ សម្តេចធិបតី បានគូសបញ្ជាក់ ពីសារៈសំខាន់ដ៏ធំធេង នៃការបន្តគាំទ្ររបស់ចិន ចំពោះការអភិវឌ្ឍ ហេដ្ឋារចនាសម្ព័ន្ធ នៅកម្ពុជា រួមទាំងគម្រោងព្រែកជីក និងគ្រប់គ្រង ធនធានទឹកចំរុះ ហ្វូណនតេជោ ។
ជាការឆ្លើយតប ឯកឧត្តម ស៊ី ជីនពីង ប្រធានាធិបតីចិន បានលើកទឹកចិត្ត ឱ្យស្ថាប័នពាក់ព័ន្ធ នៃប្រទេសទាំងពីរ សហការសម្រប សម្រួលគ្នាយ៉ាងជិតស្និទ្ធ ដើម្បីធានាបាន នូវការអនុវត្ត គម្រោងហេដ្ឋា រចនាសម្ព័ន្ធ ដែលរៀបចំ រួចរាល់ឱ្យបាន ទាន់ពេលវេលា សំដៅផ្តល់អត្ថ ប្រយោជន៍ជាក់ស្តែង ដល់ប្រជាជន នៃប្រទេសទាំងពីរ៕
