(ខេត្តបន្ទាយមានជ័យ)៖ ក្រោមការដឹកនាំបញ្ជា ដោយផ្ទាល់របស់ លោកវរសេនីយ៍ឯក សួង សៅ មេបញ្ជាការ វរសេនាតូចនគរ បាលការពារព្រំដែន គោកលេខ៨១៥ថ្ងៃអាទិត្យ ៨កើត ខែភទ្របទ ឆ្នាំម្សាញ់ សប្ដស័ក ព.ស២៥៦៩ ត្រូវនិងថ្ងៃទី៣១ ខែសីហា ឆ្នាំ២០២៥ វេលាម៉ោង០៨:៣០នាទី ព្រឹកកម្លាំងប៉ុស្តិ៍ស្វាយព្រៃចំនួន០៣នាក់ ដឹកនាំដោយលោក អនុសេនីយ៍ទោ គុណ ប៊ុនហេង នាយរងប៉ុស្តិ៍ ចូលរួមសហការជាមួយ កម្លាំងនគរបាល រដ្ឋបាលអូរស្រឡៅ ចំនួន០៣នាក់ ដឹកនាំដោយ លោក អនុសេនីយ៍ឯក សយ សំណាង នាយប៉ុស្ដិ៍ និងកម្លាំងយោធាកង ពលតូចថ្មើរជើងលេខ៥១ (វរៈ៥១១) ចំនួន០៤នាក់ ដឹកនាំដោយ លោកវរសេនីយ៍ត្រី លឹម វ៉ាណារិទ្ធ មេបញ្ជាការ បានទប់ស្កាត់ បុរសជនជាតិ ភូមាចំនួន០៥នាក់ ដែលលួចឆ្លង ដែនពីប្រទេសថៃ ចូលមកប្រទេស កម្ពុជាដោយខុសច្បាប់ ត្រង់ចំណុចភូមិសាស្ត្រ ប៉ុស្តិ៍ស្វាយព្រៃ នៃវរសេនាតូច នគរបាលការពារ ព្រំដែនគោកលេខ៨១៥ នៅភូមិកៅបី ឃុំអូរស្រឡៅ ស្រុកម៉ាឡៃ ខេត្តបន្ទាយមានជ័យ ចម្ងាយពីអូរ ព្រំដែនប្រហែល ៤០០ម៉ែត្រ។
ជនជាតិភូមាខាងលើ កម្លាំងនគរបាល រដ្ឋបាលអូរស្រឡៅ បានបញ្ជូន ទៅអធិការដ្ឋាន នគរបាលស្រុកម៉ាឡៃ ដើម្បីអនុវត្តនីតិវិធីបន្ត។ ដោយលោក គង់ចំណាប់
