កម្លាំងជំនាញអាវុធហត្ថ ស្រុកសំពៅលូន បានឃាត់ខ្លួនជន សង្ស័យ០១នាក់ ករណីរក្សាទុក និងប្រើប្រាស់គ្រឿងញៀន

(ខេត្តបាត់ដំបង)៖ ដោយអនុវត្ត តាមបទបញ្ជា លោកឧត្តមសេនីយ៍ត្រី ហែម វុទ្ធី មេបញ្ជាការកងរាជ អាវុធហត្ថខេត្តបាត់ដំបង កម្លាំងកងរាជអាវុធហត្ថ ស្រុកសំពៅលូន ចុះបង្ក្រាបករណីរក្សាទុក នូវសារធាតុញៀន មួយកន្លែងនិង ឃាត់ខ្លួនបាន ជនសង្ស័យម្នាក់ កាលពីព្រឹកថ្ងៃទី២៧ ខែសីហាឆ្នាំ២០២៥ វេលាម៉ោង០៩និង០៤នាទី នៅចំណុច ផ្លូវបេតុងផ្សារតាឡន ភូមិត្រពាំងព្រលិត ឃុំសន្តិភាព ស្រុកសំពៅលូន ខេត្តបាត់ដំបង។

សមត្ថកិច្ចបាន ប្រាប់អោយដឹងថា ជនសង្ស័យដែល កម្លាំងជំនាញឃាត់ខ្លួនបាន មានឈ្មោះ ជឿន ម៉េងហុង  ភេទប្រុស អាយុ ២៩ឆ្នាំ រស់នៅភូមិ អូរស្ងាត់ ឃុំសន្តិភាព ស្រុកសំពៅលូន ខេត្តបាត់ដំបង។

ក្រោយពីឃាត់ ខ្លួនជនសង្ស័យខាងលើ កម្លាំងជំនាញដកហូត បានវត្ថុតាងបានរួមមាន គ្រឿងញៀនម្សៅក្រាមពណ៍សថ្លា ម៉ាទឹកកក(ICE) ច្រកក្នុងថង់ប្លាស្ទិកស ចំនួន០១ កញ្ចប់តូច គ្រឿងញៀនយ៉ាម៉ាគ្រាប់ ពណ៍ផ្កាឈូក (wy) ចំនួន០១គ្រាប់ សង្ស័យជាសារធាតុញៀន កាំបិទខ្វែវចំនួន០១ ម៉ូតូចំនួន០១គ្រឿង ម៉ាក ស្គុបពីរ ពណ៍ផ្កាឈូក ស ផលិតឆ្នាំ២០១១ និងសម្ភារៈសម្រាប់ ប្រើប្រាស់សារធាតុ ញៀនមួយចំនួនទៀត។

បច្ចុប្បន្ន ជនសង្ស័យខាងលើ រួមទាំងវត្ថុតាង ត្រូវបានបញ្ចូនទៅ ការិយាល័យជំនាញ កងរាជអាវុធហត្ថខេត្ត ដើម្បីចាត់ការ តាមនីតិវិធីច្បាប់៕ ដោយលោក គង់ ចំណាប់

 

You might like

Leave a Reply

Your email address will not be published. Required fields are marked *