(ភ្នំពេញ)៖ សម្តេចមហារដ្ឋ សភាធិការបតី ឃួន សុដារី ប្រធានរដ្ឋសភា នៃព្រះរាជាណាចក្រកម្ពុជា បានទទួលជួបពិភាក្សា ការងារជាមួយ ឯកឧត្តមបណ្ឌិត ចាន ជឺឆ័ន (Zhang Zhichuan) អនុគណៈកម្មាធិការ អចិន្ត្រៃយ៍សភា ខេត្តសានស៊ីនៃ សាធារណរដ្ឋ ប្រជាមានិតចិន នៅព្រឹកថ្ងៃទី២៨ ខែសីហា ឆ្នាំ២០២៥ នៅវិមានរដ្ឋសភា ក្នុងពេលដែល ឯកឧត្តម ដឹកនាំគណៈប្រតិភូ មកបំពេញទស្សន កិច្ចនៅកម្ពុជា។
សម្តេចប្រធានរដ្ឋសភា មានក្តីសោមនស្ស រីករាយនិងស្វាគមន៍ យ៉ាងកក់ក្តៅចំពោះវត្តមាន របស់ឯកឧត្តមបណ្ឌិត ចាន ជឺឆ័ន និងគណៈប្រតិភូ ដែលបានអញ្ជើញ មកបំពេញទស្សនកិច្ចការ ងារនៅព្រះរាជាណាចក្រកម្ពុជា គឺជាផ្នែកសំខាន់ មួយនៅក្នុងការពង្រឹង ពង្រីកចំណងមិត្តភាព កិច្ចសហប្រតិបត្តិការ ដែកថែបឱ្យកាន់តែរឹងមាំ ទំាងស្ថាប័ននីតិប្បញ្ញត្តិ និងនីតិប្រតិបត្តិ។
សម្តេចប្រធានរដ្ឋ សភាបានគូសបញ្ជាក់ថា ទំនាក់ទំនងជាប្រវត្តិ សាស្រ្តកម្ពុជានិងចិន កាន់តែមានលក្ខណៈ ស៊ីជម្រៅខ្លាំងឡើង ដោយថ្នាក់ដឹកនាំ កម្ពុជាបច្ចុប្បន្ន មាន សម្តេចអគ្គមហា សេនាបតីតេជោ ហ៊ុន សែន ប្រធានព្រឹទ្ធសភាកម្ពុជា និងថ្នាក់ដឹកនាំបន្តវេន សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី កម្ពុជា ជាមួយនឹង ថ្នាក់ដឹកនាំចិន រួមមាន ឯកឧត្តម ស៊ី ជីនពីង ប្រធានាធិបតីចិន និងឯកឧត្តមនាយករដ្ឋ មន្រ្តីចិន បានឯកភាព គ្នាដាក់ចេញនូវ “កិច្ចសហប្រតិបត្តិការត្បូងពេជ្រ និងផែនការសកម្មភាព ២០២៤-២០២៨” ដែលជាចក្ខុវិស័យ និងជាការប្តេជ្ញាចិត្តថ្មី មួយទៀតរវាងកម្ពុជា-ចិន ឆ្ពោះទៅការពង្រឹង ទំនាក់ទំនងនិងកិច្ចស ប្រតិបត្តិការទ្វេភាគី ក្នុងកម្រិតថ្មីមួយទៀត សំដៅសម្រេចបានការ កសាងសហគមន៍វាសនារួម កម្ពុជា-ចិន ក្នុងយុគ សម័យថ្មីប្រកប ដោយគុណភាពខ្ពស់ កម្រិតខ្ពស់ និងស្តង់ដារខ្ពស់។
សម្តេចប្រធានរដ្ឋសភា បានគូសបញ្ជាក់ថា ក្នុងអំឡុងដំណើរទស្សន កិច្ចផ្លូវរដ្ឋរបស់ ឯកឧត្តម ស៊ី ជីនពីង នៅដើមឆ្នាំ នេះនៅកម្ពុជា ដែលបានពិភាក្សា ការងារជាមួយ សម្តេចធិបតី ហ៊ុន ម៉ាណែត មានឯកសារចំនួន ៣៧បានចុះហត្ថលេខា ដែលបានគ្របដណ្តប់ ស្ទើរគ្រប់វិស័យ បានពង្រឹងទំនាក់ទំនង ប្រទេសទំាងពីរឱ្យ កាន់តែរឹងមាំ និងបាន នាំមកនូវផលប្រយោជន៍ កាន់តែច្រើនឡើងជូន ប្រជាពលរដ្ឋទំាងសងខាង។
រដ្ឋសភាកម្ពុជាសូម វាយតម្លៃខ្ពស់ចំពោះ ទំនាក់ទំនងដ៏ជ្រាលជ្រៅ រវាងប្រទេសទាំងពីរ ដោយប្រកាន់ខ្ជាប់ នូវគោលការណ៍ នៃការតម្កល់ការអភិវឌ្ឍ និងផ្តោតលើ ប្រជាជនជាអាទិភាព និងការជំរុញការ តភ្ជាប់នៃគំនិតផ្តួចផ្តើម ខ្សែក្រវាត់និងផ្លូវ ជាមួយនឹងយុទ្ធសាស្ត្រ បញ្ចកោណដំណាក់ កាលទី១ របស់កម្ពុជា និងធ្វើឱ្យស៊ី ជម្រៅនូវការកសាង «ច្រករបៀង ឧស្សាហកម្ម និងបច្ចេកវិទ្យា» និង «ច្រករបៀងមច្ឆា និងអង្ករ» ។
ឯកឧត្តមបណ្ឌិត ចាន ជឺឆ័ន បានថ្លែងអំណរគុណ យ៉ាងជ្រាលជ្រៅជូន សម្តេចប្រធានរដ្ឋសភា ដែលបានទទួលស្វាគមន៍ យ៉ាងកក់ក្តៅនិងបាន ទទួលជួបពិភាក្សា ការងារជាមួយ គណៈប្រតិភូនៅក្នុង ឱកាសនេះ។ ឯកឧត្តមប្រធាន គណៈប្រតិភូ បានជម្រាបជូន សម្តេចប្រធានរដ្ឋសភា អំពីគោលបំណងដំណើរ ទស្សនកិច្ចរបស់គណៈ ប្រតិភូនៅកម្ពុជា ដើម្បីផ្លាស់ប្តូរបទ ពិសោធន៍ការងារ បរិស្ថាន ធនធានទឹក និងវិស័យផ្សេងទៀត ជាមួយ គណៈកម្មការផែនការ វិនិយោគ កសិកម្ម រុក្ខាប្រមាញ់ នេសាទ អភិវឌ្ឍន៍ជនបទ បរិស្ថាន ធនធានទឹកនិង ឧត្តុនិយមនៃ រដ្ឋសភាកម្ពុជា ព្រមទំាងការភ្ជាប់ទំនាក់ទំនងយុវ ជននៃប្រទេសទំាពីរ។
ឯកឧត្តមបាន ជម្រាបជូនសម្តេចថា កាលពីម្សិលមិញ គណៈប្រតិភូបានអញ្ជើញ បំពេញទស្សនកិច្ចនៅ ខេត្តសៀមរាបនិងបាន ទស្សនាប្រាសាទអង្គរវត្ត ប្រាសាទបាយន្ត ដ៏អស្ចារ្យរបស់កម្ពុជា។ ខេត្ត សានស៊ី និងខេត្តសៀមរាប បានចុះហត្ថលេខា លើអនុស្សរណៈយោគយល់ គ្នាស្តីពីកិច្ចសហ ប្រតិបត្តិការលើ វិស័យទេសចរណ៍ វប្បធម៌និងកសិកម្ម ជាដើម។
ឯកឧត្តម បានយល់ស្របចំពោះ ការលើកឡើងរបស់ សម្តេចប្រធានរដ្ឋសភា ដែលបានបញ្ជាក់ យ៉ាងច្បាស់ពីចំណងមិត្តភាព ដ៏ល្អនិងរឹងមាំ កម្ពុជានិងចិន ដែលមានតំាងពី យូរលុងមកហើយ។ ចំណងមិត្តភាពនេះ បានពូនជ្រុំឥត ឈប់ឈរដោយថ្នាក់ដឹក នាំប្រទេសទំាងពីរ នៅគ្រប់ជំនាន់។ ឯកឧត្តមបាន ជម្រាបជូនសម្តេច ប្រធានរដ្ឋសភាពី សន្តានុពលរបស់ខេត្ត សានស៊ី។ ខេត្ត សានស៊ី នៅជាប់នឹង ទីក្រុងប៉េកំាង មានសក្តានុពលទេសចរណ៍ វិស័យថាមពល កសិកម្មធម្មជាតិ។ ឯកឧត្តមបានគោរព អញ្ជើញសម្តេចប្រធានរដ្ឋសភា បំពេញទស្សនកិច្ច នៅខេត្តសានស៊ី នៅអំឡុងខែវិច្ឆិកា ខាងមុខនេះ ដោយសារពេលនេះ ខេត្តនឹងរៀបចំកម្ម វិធីសំខាន់មួយ បង្ហាញពីសក្តា នុពលថាមពល។
សម្តេចប្រធានរដ្ឋសភា បានវាយតម្លៃខ្ពស់ ចំពោះការរីកចម្រើនរបស់ ខេត្តសានស៊ី។ ឆ្លៀតនៅក្នុង ឱកាសនោះ សម្តេចបានថ្លែង អំណរគុណដល់ សធារណរដ្ឋប្រជាមានិតចិន ដែលបានផ្តល់ជំនួយ មនុស្សធម៌ ដល់ជនភៀសសឹកកម្ពុជា ដែលបានជម្លៀស ចេញពីផ្ទះសម្បែក គេចចេញពីការវាយ ប្រហាររបស់កងទ័ព ថៃមកលើអធិបតេយ្យ ភាពរបស់កម្ពុជា។
សម្តេចរដ្ឋសភាធិបតី បានលើកឡើងថាកម្ពុជា គឺជាប្រទេសដែល ស្រឡាញ់សន្តិភាព។ កម្ពុជាតែងប្រកាន់ ខ្ជាប់នូវគោលការណ៍ រួមរស់ដោយសន្តិភាព និងការគោរពច្បាប់អន្តរជាតិ។ កម្ពុជាបានអនុវត្តយ៉ាង ម៉ឹងម៉ាត់បទឈប់បាញ់ ដែលផ្តួចផ្តើមឡើង ដោយប្រធានាធិបតី សហរដ្ឋអាមេរិក នាយករដ្ឋមន្រ្តីម៉ាឡេស៊ី ដែលជាប្រធានប្តូរវេនអាស៊ាន ដោយមានការចូលរួម ពីបណ្តាប្រទេសជាមិ ត្តជាច្រើនទៀត នៅក្នុងនោះសាធារណរដ្ឋ ប្រជាមានិតចិន ផងដែរ៕
