(ភ្នំពេញ)៖ គិតមកដល់ឆ្នាំ២០២៥នេះ កម្មវិធីអាហារូបករណ៍ អូស្ត្រាលីសម្រាប់កម្ពុជា មានអាយុកាល៣១ឆ្នាំហើយ ពោលគឺចាប់តាំង ពីឆ្នាំ ១៩៩៤មក ប្រជាជនកម្ពុជាប្រមាណ ២១ ៨០០នាក់ បានទទួលឱកាស ទៅបន្តការសិក្សានៅ ប្រទេសអូស្ត្រាលី នៅគ្រប់កម្រិត ហើយបានត្រឡប់ មកវិញជាមួយនឹង ចំណេះដឹង ជំនាញ ហើយបាន ក្លាយទៅជាកត្តា ជំរុញសម្រាប់ការផ្លាស់ប្តូរ រួមចំណែកដល់ការ អភិវឌ្ឍប្រកបដោយ និរន្តរភាពនៅកម្ពុជា។
ទន្ទឹមនេះស្ថានទូត អូស្រ្តាលីប្រចាំ ប្រទេសកម្ពុជា បានបង្ហាញបំណង ដើម្បីស្វែងរកធាតុចូល ក្នុងការកែតម្រូវ ព្រមទាំងលើកទិស ដៅបន្តសម្រាប់ការ អនុវត្តកម្មវិធី អាហារូបករណ៍អូស្រ្តាលី សម្រាប់កម្ពុជា។
កិច្ចប្រឹងប្រែងនេះ បានធ្វើឡើងតាមរយៈ ជំនួបជាមួយគណៈកម្មាធិការ សហប្រតិបត្តិការ អភិវឌ្ឍន៍កម្ពុជា នៃក្រុមប្រឹក្សា អភិវឌ្ឍន៍កម្ពុជា និងក្រសួងអប់រំ យុវជននិងកីឡា។
កម្មវិធីអាហា រូបករណ៍អូស្ត្រាលី មានមោទនភាព ចំពោះវឌ្ឍនភាពនៃបរិយា បន្នរបស់កម្មវិធី។ ក្នុងរយៈពេលពីរឆ្នាំ ចុងក្រោយនេះ ចំនួនស្ត្រីដែលទទួល បានអាហារូបករណ៍ អូស្ត្រាលីបានកើនឡើង ជាង ៦០ ភាគរយ។ កម្មវិធីនេះក៏បានជួយ ដល់ជនដែលមាន ពិការភាពនៅកម្ពុជា មួយចំនួន ឱ្យបន្តក្តីស្រម៉ៃ របស់ពួកគេ ហើយនិស្សិត អាហារូបករណ៍អូស្ត្រាលី សម្រាប់ជនជាតិដើមភាគ តិចដំបូងគេបង្អស់ពី ប្រទេសកម្ពុជា នឹងធ្វើដំណើរទៅ កាន់ប្រទេសអូស្ត្រាលី ក្នុងពេលឆាប់ៗ ខាងមុខនេះ។
សូមរម្លឹកថាកម្ម វិធីអាហារូបករណ៍ អូស្ត្រាលី Australia Awards Cambodia ឆ្នាំសិក្សា ២០២៥ នេះជ្រើសរើសបាន និស្សិតកម្ពុជាចំនួន ៦២ រូបក្នុងចំណោម នេះមាននិស្សិតទទួល អាហារូបករណ៍កម្មវិធី Aus4ASEAN ចំនួន ១៣ រូប។ និស្សិតដែលពោរពេញ ដោយទេពកោសល្យ ទាំងប៉ុន្មានរូបនេះ មកពីខាងស្ថាប័នរាជរដ្ឋាភិបាល សង្គមស៊ីវិល និងវិស័យឯកជន នឹងត្រូវទៅបន្តការសិក្សា ថ្នាក់ក្រោយឧត្តមសិក្សា នៅប្រទេសអូស្ត្រាលី ក្នុងមុខជំនាញ សិក្សាដូចជា វិទ្យាសាស្ត្រទិន្នន័យ សុខាភិបាល នគរូបនីយកម្ម កសិឧស្សាហកម្ម ភាពធន់នឹងអាកាសធាតុ ភាពជាអ្នកដឹកនាំផ្នែកវប្បធម៌ និងមុខជំនាញសិក្សា ជាច្រើនទៀត។
កម្មវិធីបើកអាហា រូបករណ៍អូស្ត្រាលី ឆ្នាំសិក្សា២០២៦ ខាងមុខនេះបានរៀបចំឡើ ងក្រោមប្រធានបទ “អត្ថប្រយោជន៍ នៃអាហារូបករណ៍អូស្ត្រាលី ចំពោះស្ថាប័ន រាជរដ្ឋាភិបាលកម្ពុជា និងការបន្តអភិឌ្ឍ សេដ្ឋកិច្ចសង្គម របស់កម្ពុជា”។
សម្រាប់កម្មវិធី អាហារូបករណ៍អូស្ត្រាលី ឆ្នាំ២០២៦នេះដែរ ទូតអូស្ត្រាលីប្រចាំកម្ពុជា បានបញ្ជាក់ថា ក្នុងចំណោមបេក្ខជន ១.០០០នាក់ដែលទទួល បានអាហារូបករណ៍ Australia Awards Cambodia គឺមាន៦០០នាក់ ជាមន្ត្រីរាជការ។
ជាមួយគ្នានេះកម្មវិធី អាហារូបករណ៍ អូស្ត្រាលី ឆ្នាំ២០២៦ បានបើកទូលាយ ដល់បេក្ខជនជាស្ត្រី និងជនមានពិការភាព ដែលនេះគឺជាការចូល រួមចំណែកក្នុងការលើក កម្ពស់យេនឌ័រនៅកម្ពុជា ខណៈបច្ចុប្បន្នថ្នាក់ ដឹកនាំជាស្ត្រីមាន២៧ភាគរយ។
កម្មវិធីអាហារូបករណ៍ អភិវឌ្ឍន៍អូស្ត្រាលី (ADS) សម្រាប់កម្មវិធីអនុបណ្ឌិត និងបណ្ឌិតនៅសាកល វិទ្យាល័យអូស្ត្រាលី បានផ្តល់ជំនាញ លើវិស័យការអប់រំមូលដ្ឋាន ; ការការពារសង្គម / សុខុមាលភាព; សន្តិភាព និងការអភិវឌ្ឍន៍; ការគ្រប់គ្រង ហិរញ្ញវត្ថុសាធារណៈ; ការគ្រប់គ្រង និងកាត់បន្ថយ ហានិភ័យគ្រោះមហន្តរាយ; ការសម្របខ្លួនទៅនឹង ការប្រែប្រួលអាកាសធាតុ; ការអភិវឌ្ឍន៍អង្គការ /ការគ្រប់គ្រង និងអភិវឌ្ឍន៍ធនធានមនុស្ស; ពាណិជ្ជកម្ម; ទំនាក់ទំនងបរទេស; ជំងឺរាតត្បាត (ការរៀបចំនិងការគ្រប់គ្រង)៕
