(ខេត្តកែប)៖ ដោយអនុវត្តតាម អនុសាសន៍ដ៏ខ្ពង់ខ្ពស់ ពីឯកឧត្តម នាយឧត្តមសេនីយ៍ អគ្គស្នងការនគរបាលជាតិ នៅព្រឹកថ្ងៃព្រហស្បតិ៍ ទី២៨ ខែសីហា ឆ្នាំ២០២៥ លោកឧត្តមសេនីយ៍ទោ សម្បត្តិ សុធារដ្ឋ ស្នងការ នៃស្នងការដ្ឋាន នគរបាលខេត្តកែប បានដឹកនាំកម្លាំង នគរបាលចុះសហការ រក្សាសន្តិសុខ សណ្តាប់ធ្នាប់សាធារណៈ និងសុវត្ថិភាពសង្គម នៅមណ្ឌលប្រឡង សញ្ញាបត្រមធ្យម សិក្សាទុតិយភូមិ ស្ថិតនៅវិទ្យាល័យ ប៊ុន រ៉ានី ហ៊ុន សែន ចរិយាវង្ស ក្រុងកែប ខេត្តកែប។
ការកាត់ស្រោមសំបុត្រ វិញ្ញាសារប្រឡង ក្រោមវត្តមានរបស់ ឯកឧត្តមបណ្ឌិត សោម ពិសិដ្ឋ អភិបាលនៃគណៈ អភិបាលខេត្តកែប ដែលមានមណ្ឌលប្រឡង ចំនួន២ ស្មើនិង១៤បន្ទប់ បេក្ខជនចូលរួមប្រឡង ចំនួន៣២០នាក់ ស្រី១៨៥នាក់ (ថ្នាក់វិទ្យាសាស្ត្រ ៣បន្ទប់ បេក្ខជន ចំនួន៦០នាក់ ស្រីចំនួន៤១នាក់ និងថ្នាក់វិទ្យាសាស្ត្រសង្គម មានចំនួន១១បន្ទប់ បេក្ខជន ចំនួន២៦០នាក់ ស្រីចំនួន ១៤៤នាក់)។
អំពីវិធានការ៖ បន្តសហការជាមួយ ប្រធានមណ្ឌលប្រឡង ការពារសន្តិសុខ សុវត្ថិភាព សណ្តាប់ធ្នាប់សាធារណៈ ជុំវិញមណ្ឌបប្រឡង និងការការពារដឹកជញ្ជូន សន្លឹកកិច្ចការបេក្ខជន យកទៅរក្សាទុក សម្រួលចរាចរណ៍លើដង ផ្លូវជូនដល់បេក្ខជនមកប្រឡង នៅតាមមណ្ឌល ដើម្បីកាត់បន្ថយការកកស្ទះ និងរក្សាបានសន្តិសុខ សណ្តាប់ធ្នាប់ល្អប្រសើរ៕
