(កោះកុង)៖ ថ្លែងក្នុងពិធីប្រកាស តែងតាំងផ្លាស់ប្តូរ មុខតំណែងនាយទាហាន តំបន់ប្រតិបត្តិការ សឹករងកោះកុង យោធភូមិភាគទី៣ នាព្រឹកថ្ងៃទី២៧ ខែសីហា ឆ្នាំ២០២៥ នៅតំបន់ប្រតិបត្តិការ សឹករងកោះកុង ឯកឧត្តម ឧត្តមសេនីយ៍ទោ អ៊ុយ ហៀង មេបញ្ជាការយោធ ភូមិភាគទី៣ បានកោតសរសើរ ចំពោះយោធិន ទាំងអស់ដែលបានរួមគ្នា ការពារបូរណភាពដែនដី បានយ៉ាងល្អបប្រសើរ ក្រោយព្រឹត្តិការណ៍ផ្ទុះ អាវុធកាលពីថ្ងៃទី២៤ ខែកក្កដា ឆ្នាំ២០២៥កន្លងទៅ និងសូមផ្តាំផ្ញើដល់ កងកម្លាំងទាំងអស់ ត្រូវរួមសាមគ្គីគ្នា ជាធ្លុងមួយ និងជឿជាក់ លើការដឹកនាំរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា ។
ឧត្តមសេនីយ៍ទោ អ៊ុយ ហៀង សង្ឃឹមជឿជាក់ថា៖ នាយ-ពលទាហានទើប បានទទួលការតែងតាំងថ្មី ត្រូវខិតខំបំពេញភារកិច្ច តាមបទបញ្ជាឲ្យមាន ប្រសិទ្ធភាពខ្ពស់ និងហ៊ានបូជាជីវិត ដើម្បីជូនជាតិ មាតុភូមិ និងប្រជាជនកម្ពុជា ។
