(ខេត្តសៀមរាប)៖ នៅព្រឹកថ្ងៃទី២៧ ខែសីហា ឆ្នាំ២០២៥នេះ ក្រសួងមុខងារ សាធារណៈកម្ពុជា កំពុងរៀបចំសិក្ខាសាលា រយៈពេល៣ថ្ងៃ ស្តីពី “ឌីជីថលូបនីយកម្ម ក្នុងរដ្ឋបាលសាធារណៈ” ដែលមានការ ចូលរួមពី តំណាងបណ្តា ប្រទេសសមាជិកអាស៊ាន ទីម័រឡេស្តេ និងអាស៊ានបូក ៣ រួមទាំងមន្រ្តីរាជការ កម្ពុជាផងដែរ។
ក្នុងនាមជាម្ចាស់ផ្ទះ កម្ពុជារីករាយក្នុងការ ផ្តល់បដិសណ្ឋារកិច្ច និងបរិយាកាសល្អ ដើម្បីឱ្យប្រតិភូទាំងអស់ បានចូលរួមផ្លាស់ប្តូរ និងចែករំលែក បទពិសោធន៍គ្នាទៅ វិញទៅមកលើប្រធានបទនេះ។ សិក្ខាសាលានេះក៏ មានគោលបំណង ពង្រឹងកិច្ចសហប្រតិបត្តិការ ក្នុងវិស័យមុខងារសាធារណៈ ឱ្យកាន់តែប្រសើរឡើងផងដែរ។
ក្រសួងមុខងារសាធារណៈ បានជូនពរដល់ប្រតិភូ និងសិក្ខាកាមទាំងអស់ ឱ្យទទួលបានជោគជ័យក្នុ ងការសិក្សានិងរីករាយ ជាមួយការស្នាក់ នៅខេត្តសៀមរាប។
