(ភ្នំពេញ)៖ អ្នកនាំពាក្យរាជ រដ្ឋាភិបាលកម្ពុជា បានអំពាវនាវដល់ ប្រជាពលរដ្ឋឱ្យប្រយ័ត្ន ចំពោះសកម្មភាព ធ្វើឱ្យថៃចោទថា មិនគោរពបទ ឈប់បាញ់ ខណៈថ្នាក់ដឹកនាំបាន កំពុងខិតខំយកយន្ត ការច្បាប់ដើម្បីដោះ ស្រាយបញ្ហា ព្រំដែនជាមួយថៃ។
ថ្លែងក្នុងសន្នីទសារព័ត៌មាន នារសៀលថ្ងៃទី២៦ ខែសីហា ឆ្នាំ២០២៥ ឯកឧត្តម ប៉ែន បូណា អ្នកនាំពាក្យរាជ រដ្ឋាភិបាលបានលើកថា ឯកឧត្តម សូមកោតសរសើចំពោះ ប្រជាពលរដ្ឋគ្រប់ទិសទី ដែលបានក្រោក ឈរឡើងដើម្បី ការពារអធិបតេយ្យ ភាពបូរណភាពទឹកដី ក្រោមស្មារតីសន្តិភាពនិយម ដែលជាអត្តសញ្ញាណ របស់កម្ពុជា។ ទឹកចិត្តស្នេហាជាតិនិងស្មារតី សាមគ្គីជាធ្លុងមួយរបស់ ប្រជាពលរដ្ឋខ្មែរ បានក្លាយជាចលករដ៏ ខ្លាំងក្លាដែលគ្មានឥទ្ធិពលអ្វី មកអាចបំបែកបានឡើយ។
ឯកឧត្តម អ្នកនាំពាក្យ បានបញ្ជាក់ថា៖” ទន្ទឹមនឹងនេះសូមបងប្អូន យើងរក្សាស្មារតី ឱ្យបាននូវសន្តិភាពនិយម និងអហិង្សា តាមរយៈទឹកចិត្ត ស្នេហាជាតិដោយប្រើបញ្ញា ជាងប្រើអារម្មណ៍ ដើម្បីជៀសវាងធ្លាក់ ក្នុងអន្ទាក់នូវការញុះញង់ បំបែកបំបាក់ មហាសាមគ្គីជាតិខ្មែរ ពីសំណាក់ អមិត្តកម្ពុជា(ថៃ) ពិសេសការប៉ុនប៉ងបំបែក កម្លាំងប្រជាពលរដ្ឋ ពីរាជរដ្ឋាភិបាល និងពីកងកម្លាំង ប្រដាប់អាវុធដែលជា ខឿនការពារជាតិដ៏រឹងមាំ”។
ជាមួយគ្នានោះដែរអ្នក នាំពាក្យរាជរដ្ឋាភិបាល ក៏បានលើកឡើងថា ពេលនេះគឺជា ការអនុវត្តបទឈប់បាញ់ ហើយកម្ពុជាបានគោរព បានកិច្ចព្រមព្រៀងបានយ៉ាងល្អ ដែលចាត់ទុកថា ជាភាពខ្លាំងរបស់កម្ពុជា នៅលើសមរភូមិ ដែលត្រូវថែរក្សាឱ្យបាន។ ដើម្បីបំផ្លាញដែល កម្ពុជាទទួលបាន នៅពេលនេះថៃ បានញុះញង់គ្រប់រូបភាព ដោយបានរៀបចំ ឡើងដើម្បីឱ្យកម្ពុជា អស់ភាពអត់ធ្មត់ ដោយឈានដល់ ការប្រព្រឹត្តិអំពើណា មួយដែលប្រើកំហឹង ទល់នឹងកំហល់ ដែលគេអាចប្រើជា លេសក្នុងការចោទប្រកាន់ថា កម្ពុជាអ្នកវាប្រហារមុន។
ឯកឧត្តមបានគូស បញ្ជាក់បន្ថែមថា៖ “នេះជាអន្ទាក់ដល់គ្រោះថ្នាក់ ដែលបងប្អូនយើង គប្បីប្រុងប្រយ័ត្នខ្ពស់ ។ សូមបងប្អូនចង ចាំបទឈប់បាញ់ នេះជាការផ្តួចផ្តើម របស់ប្រធានាធិបតីអាម៉េរិក ដោយចូលរួមយ៉ាងសកម្មពីចិន និងយកចិត្តទុកដាក់ពីម៉ាឡេស៊ី “៕
