(ខេត្តកំពង់ស្ពឺ)៖ ឯកឧត្តម ឧបនាយករដ្ឋមន្ត្រី ហ៊ុន ម៉ានី បានសម្តែងការស្វាគមន៍ យ៉ាងកក់ក្តៅចំពោះ សមាជិក-សមាជិកាថ្មីចំនួន ៦០១ នាក់ ដែលបានសម្រេចចិត្ត ចូលរួមជីវភាពនយោបាយ ជាមួយគណបក្ស ប្រជាជនកម្ពុជា។ ការថ្លែងនេះធ្វើឡើង ក្នុងពិធីប្រកាសបញ្ចូល សមាជិកថ្មីរបស់គណ បក្សប្រជាជនកម្ពុជា ក្នុងឃុំយាអង្គ និងឃុំទ័ពមាន ស្រុកថ្ពង ខេត្តកំពង់ស្ពឺ កាលពីថ្ងៃទី ២៤ ខែសីហា ឆ្នាំ២០២៥។
ក្នុងពិធីនោះ ឯកឧត្តម ហ៊ុន ម៉ានី បានកោតសរសើរ និងវាយតម្លៃខ្ពស់ ចំពោះកិច្ចខិតខំប្រឹងប្រែង របស់គណៈ កម្មាធិការគណបក្ស រចនាសម្ព័ន្ធដឹកនាំ គ្រប់ជាន់ថ្នាក់ និងក្រុមការងារចុះ មូលដ្ឋានឃុំទាំងពីរ ដែលបានរួមចំណែក សម្រេចបាននូវ សមិទ្ធផលជាច្រើន សម្រាប់ប្រជាជន។
ទន្ទឹមនឹងនោះ ឯកឧត្តមក៏បានលើក ឡើងពីខួបមួយខែនៃ ការផ្ទុះអាវុធនៅតាម ព្រំដែនកម្ពុជា-ថៃ។ ឯកឧត្តមបានគូសបញ្ជាក់ ពីកិច្ចខិតខំប្រឹងប្រែង យ៉ាងសកម្មរបស់ រាជរដ្ឋាភិបាល ក្រោមការដឹកនាំ ដ៏អង់អាចរបស់ សម្ដេចធិបតីនាយក រដ្ឋមន្ត្រី ក្នុងការស្វែងរក ដំណោះស្រាយរហ័ស ចំពោះភាពតានតឹង តាមរយៈយន្តការ ច្បាប់អន្តរជាតិ និងកិច្ចការទូត រហូតសម្រេចបាន បទឈប់បាញ់។
ឯកឧត្តមបានអំពាវនាវ ដល់ប្រជាពលរដ្ឋ ឱ្យបន្តជឿជាក់ និងគាំទ្រដល់រាល់ វិធានការរបស់រាជ រដ្ឋាភិបាលក្នុងការដោះ ស្រាយជម្លោះដោយសន្តិវិធី។ ឯកឧត្តមបានលើកទឹកចិត្ត ឱ្យប្រជាជនចូលរួម រក្សាភាពចាស់ទុំ និងអត់ធ្មត់ ដើម្បីនាំយកសន្តិភាព ពេញលេញត្រឡប់មកវិញ និងការវិលត្រឡប់ មកកាន់ស្ថានភាព ប្រក្រតីនៅតាមបន្ទាត់ព្រំដែន ក្នុងគោលបំណងដើម្បី ផលប្រយោជន៍រួមសម្រាប់ប្រ ជាជនទាំងពីរប្រទេស។
