(ប្រទេសថៃ)៖ យោងតាមការចេញ ផ្សាយរបស់សារព័ត៌មាន Khaosod នៅយប់ថ្ងៃទី២២ ខែសីហា វេលាម៉ោង៨ និង២០នាទីយប់ មានហេតុការណ៍ដ៏រន្ធត់ បាក់ធ្នឹមបេតុងទម្ងន់១១៦តោន របស់ស្ពានអាកាស ថ្មើរជើងទៅលើផ្លូវលេខ៣១៧ (ចាន់ថាបុរី-ស្រះកែវ) ក្នុងស្រុកMakham ខេត្តចាន់ថាបុរី។
ស្ពានអាកាសនេះមានប្រវែង ៣៦ ម៉ែត្រសាងសង់ជិតរួចរាល់ និងមានតម្លៃប្រហែល ១៩ម៉ឺនដុល្លារ។ ធ្នឹមស្ពានបានបាក់ធ្លាក់ ទៅលើរថយន្តស្ទូចនិង រថយន្តសណ្តោងរ៉ឺម៉ក ធ្វើឲ្យកកស្ទះចរាចរណ៍ និងបង្កការភ្ញាក់ផ្អើលទាំងយប់។ បើតាមខ្សែវីដេអូ CCTV បានបង្ហាញកម្មកររាប់ សិបនាក់បានរត់គេច ខ្លួនពេលកើតហេតុ។ បើទោះបីជាគ្មាន អ្នកស្លាប់និងរបួស ត្រូវបានគេរាយការណ៍ ប៉ុន្តែអាជ្ញាធរថៃប៉ាន់ ប្រមាណថាមានការ ខូចខាតសរុបយ៉ាង ហោចណាស់ ១០លានបាត( ២៧ ម៉ឺនដុលា្លរ។
ឥឡូវនេះនាយកដ្ឋានផ្លូវថ្នល់ និងអ្នកម៉ៅការកំពុង ធ្វើការសម្អាតកំទេច កំទីនិងយលធ្នឹមចេញពីផ្លូវ ដើម្បីសម្រួលចរាចរណ៍ ខណៈមូលហេតុនៃការបាក់ រលំស្ថិតក្រោមការ ស៊ើបអង្កេតនៅឡើយ៕
