(ខេត្តឧត្តរមានជ័យ)៖ ទាហានសៀមម្នាក់ ក្នុងចំណោមច្រើននាក់ បានស្លាប់ភ្លាមៗ នៅហ្នឹងកន្លែង បន្ទាប់ពីរអិលជើងដួល បោកខ្លួនទៅនឹងដី បណ្តាលអោយផ្ទុះគ្រាប់ B-40 មួយគ្រាប់ ។
ហេតុការណ៍នេះ បានកើតឡើង នាម៉ោងប្រមាណ ៨ និង៤០នាទីយប់ ថ្ងៃទី២០ ខែសីហា ឆ្នាំ២០២៥ នៅតំបន់មួយជិតប្រាសាទតាក្របី នៃព្រំប្រទល់ខេត្តឧត្តរមានជ័យ កម្ពុជា ខណៈដែលក្រុមទាហានសៀម កំពុងធ្វើសកម្មភាពចល័តទ័ព។
ប្រភពបានរាយការណ៍ថា ការស្លាប់របស់ ទាហានសៀម នាពេលនោះ ពួកគេមិនបានយក សពទៅទាំងយប់នោះទេ ដោយទុកចោលរ ហូតដល់ភ្លឺ ថ្ងៃទី២១សីហា២០២៥ ទើបទាហានសៀម នាំគ្នាមកសែងយកសព ដែលស្លាប់ដោយ សារផ្ទុះគ្រាប់ B-40 មួយគ្រាប់ដោយខ្លួន ឯងនោះទៅវិញ។
ប្រភពរាយការណ៍ ដដែលបានឲ្យដឹងទៀតថា ហេតុការណ៍នោះ ក៏បានដឹងដល់កងទ័ពកម្ពុជា និងធ្វើឲ្យកងទ័ពកម្ពុជា កាន់តែបង្កើនស្មារតី ប្រុងប្រយ័ត្នខ្ពស់ថែមទៀត។
ហេតុការណ៍ខាងលើនោះ គេក៏អាចនិយាយបានថា ប្រហែលមកពីព្រលឹងដូនតា បុព្វបុរសខ្មែរ ខឹងសម្បារនឹងការឈ្លានពាន និងរំលោភកិច្ច ព្រមព្រៀងបទឈប់បាញ់ ម្តងហើយម្តងទៀត ពីសំណាក់ទាហានសៀម ទើបបានជាកើតរឿងបែបនេះ៕
