(ភ្នំពេញ)៖ លោក Wu Mo ស្ថាបនិក និងជានិពន្ធនាយក នៃសារព័ត៌មាន Macau Greater Bay Times និងជាសមាជិកគណៈ កម្មការប្រតិបត្តិសមាគម ពាណិជ្ជកម្មអាស៊ាន-ចិន បានគោរពស្នើសុំ អនុញ្ញាតពី ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន ដើម្បីចូលរួមផ្សព្វផ្សាយ ពីសក្តានុពលនៃវិស័យ ទេសចរណ៍ សេដ្ឋកិច្ច វប្បធម៌នៅក្នុង ប្រទេសកម្ពុជា បង្ហាញទៅកាន់ប្រជាជនចិន និងបរទេសនៅ ទូទាំងពិភពលោក បានដឹងកាន់តែ ច្បាស់បន្ថែមទៀត តាមរយៈថ្នាល ផ្សព្វផ្សាយព័ត៌មាន (Platform) របស់ខ្លួន ដែលមានអ្នកតាម ដានប្រមាណជាង ៧០លាននាក់ និងមានការផ្សព្វផ្សាយជា ៧ភាសាផ្សេងគ្នា។
ការស្នើសុំខាងលើ បានធ្វើឡើងនៅក្នុងឱកាស ចូលជួបសំដែងការគូរសម និងពិភាក្សាការងារជាមួយ ឯកឧត្តម រដ្ឋមន្ត្រីក្រសួងព័ត៌មាន នៅព្រឹកថ្ងៃទី២១ ខែសីហា ឆ្នាំ២០២៥នេះ។
ឯកឧត្តម រដ្ឋមន្ត្រី នេត្រ ភក្ត្រា បានសំដែងនូវ ការរីករាយចំពោះ ការចូលរួមរបស់ ស្ថាប័នសារព័ត៌មាននានា ដែលបានរួមចំណែក ជាមួយរាជរដ្ឋាភិបាល កម្ពុជាក្នុងការផ្សព្វផ្សាយ ពីការពិតជាក់ស្តែង នៅក្នុងប្រទេសកម្ពុជា ពិសេសបង្ហាញ ពីភាពរីកចម្រើន លើវិស័យទេសចរណ៍ សេដ្ឋកិច្ច និងការអភិវឌ្ឍលើ គ្រប់វិស័យទៅកាន់ពិភពលោក បានដឹងបានឃើញ កាន់តែច្បាស់បន្ថែមទៀត ៕
