(ភ្នំពេញ)៖ ឯកឧត្តមសាស្ត្រាចារ្យ ឈាង រ៉ា រដ្ឋមន្រ្តីក្រសួង សុខាភិបាល បានថ្លែងយ៉ាងដូច្នេះនៅ ក្នុងឱកាសអញ្ជើញជា អធិបតីក្នុងកិច្ចប្រជុំថ្នាក់ ដឹកនាំគ្រប់កម្រិត និងការិយាល័យទាំង៣ នៃមន្ទីរពេទ្យកាល់ម៉ែត នាព្រឹកថ្ងៃទី២០ ខែសីហា ឆ្នាំ២០២៥មុននេះ។
ឯកឧត្តមរដ្ឋមន្ត្រី ក៏បានណែនាំ ចំណុចសំខាន់ៗ ជូនថ្នាក់ដឹកនាំមន្ទីរពេទ្យ ដើម្បីបង្កើនប្រសិទ្ធ ភាពការងារ ដោយក្នុងនាម ជាអ្នកដឹកនាំ ត្រូវធ្វើជាគំរូ កសាងភាពជឿជាក់ ស្មារតីមោះមុត មានភាពបទបែបខ្ពស់ ក្នុងការស្វែងរកបញ្ហា និងដោះស្រាយបញ្ហា ដែលកើតមាននៅក្នុង អង្គភាពទាន់ពេលវេលា ការធ្វើសវនកម្មផ្ទៃ ក្នុង ការកសាងវប្បធម៌ សីលធម៌របស់អង្គភាព និងការរៀបចំផែនការអភិវឌ្ឍ និងមានចក្ខុវិស័យ ឱ្យបានច្បាស់លាស់ ទើបអង្គភាពកាន់ តែរីកចម្រើន។
ឯកឧត្តមសាស្ត្រាចារ្យ បានថ្លែងអំណរ គុណចំពោះកិច្ចខិតខំ ប្រឹងប្រែងរបស់មន្ទីរ ពេទ្យកាល់ម៉ែត និងលើកទឹកចិត្តដល់ ថ្នាក់ដឹកនាំមន្ទីរពេទ្យ ក៏ដូចជាមន្ត្រី បុគ្គលិកទាំងអស់ ឱ្យបន្តខិតខំប្រឹងប្រែងឱ្យអស់ពីកម្លាំងកាយ និងកម្លាំងចិត្ត ជួយលើកកម្ពស់គុណភាព និងប្រសិទ្ធភាពការ បម្រើសេវារបស់មន្ទីរពេទ្យ ឱ្យកាន់តែទទួល បានលទ្ធផលល្អ ប្រសើរបន្ថែមទៀត៕
