(ភ្នំពេញ)៖ ឯកឧត្តម ប៉ែន បូណា រដ្ឋមន្រ្ដីប្រតិភូ អមនាយករដ្ឋមន្រ្ដី និងជាប្រធានអង្គភាព អ្នកនាំពាក្យរាជរដ្ឋាភិបាលកម្ពុជា បានថ្លែងថា សហគមន៍អន្តរជាតិបានឃើញ ហើយនិងបានទទួល សារច្បាសលាស់ពីកម្ពុជា ខណៈពេលនេះ ទាំងថ្នាក់ដឹកនាំកំពូល ទាំងប្រជាពលរដ្ឋ គ្រប់មជ្ឈដ្ឋាន ទាំងព្រះសង្ឃ ព្រះពុទ្ធសាសនាខ្មែរ ឬក៏ខ្មែរដែលជា បរិស័ទនៃសាសនា ផ្សេងទៀតក្ដី សុទ្ធតែបានបន្លឺសំឡេង ដូចគ្នាដែលយើងបាន ឮបានដឹងគឺកម្ពុជា ចង់បានសន្តិភាព។
សារដ៏មុតស្រួចនិង មានអត្ថន័យនេះ ត្រូវបានបន្លឺឡើង យ៉ាងស្រុះគ្នា លាន់ឮគ្រប់ទិសទី ហើយនិងគ្រប់ពេលវេលា នេះសបញ្ជាក់អំពីគោលបំណង បំណងប្រាថ្នារបស់ ថ្នាក់ដឹកនាំកម្ពុជា និងប្រជាពលរដ្ឋ របស់ខ្លួនដែលចង់ រស់នៅក្នុងសុខសន្តិភាព។ ម្យ៉ាងទៀត យើងឃើញថា នៅគ្រប់ដំណាក់កាល នៃការដោះស្រាយបញ្ហា ព្រំដែនជាមួយថៃ កម្ពុជាតែងតែត្រូវការ ចង់បានដំណោះស្រាយ ដោយសន្តិវិធី តាមរយៈយន្តការបច្ចេកទេស និងច្បាប់អន្តរជាតិ។
ក្នុងកម្មវិធីផ្សាយផ្ទាល់ពិសេស៖ សេចក្តីសង្ខេប ព័ត៌មានប្រចាំថ្ងៃ ស្តីពី «លទ្ធផលនៃការ អនុវត្តបទឈប់បាញ់ រវាងកម្ពុជា-ថៃ» នាព្រឹកថ្ងៃទី២០ ខែសីហា ឆ្នាំ២០២៥ នៅទីស្តីការ គណៈរដ្ឋមន្ត្រី ឯកឧត្តមប្រធាន អង្គភាពអ្នកនាំពាក្យ រាជរដ្ឋាភិបាលកម្ពុជា បានបញ្ជាក់ថា ក្នុងការអនុវត្ត បទឈប់បាញ់នាពេល នេះទៀតសោត កម្ពុជាស្វាគមន៍ និងជំរុញយ៉ាងខ្លាំងជំរុញ ឱ្យមានការចូលរួមពី អ្នកសង្កេតការណ៍អន្តរជាតិ ដើម្បីធ្វើជាសាក្សី។
សារដ៏ច្បាស់លាស់ទាំងអស់នេះ មិនត្រឹមតែមានតែនៅ លើពាក្យពេចន៍ឬ បបូរមាត់ប៉ុណ្ណោះទេ ក៏ប៉ុន្តែកម្ពុជា បានបង្ហាញសកម្មភាពជាក់ស្ដែង តាមរយៈការគោរពយ៉ាង ម៉ឺងម៉ាត់បទឈប់បាញ់ ប្រកបដោយការអត់ធ្មត់ យ៉ាងខ្ពស់បំផុត ដែល ឯកឧត្តម ប៉ែន បូណា រដ្ឋមន្រ្ដីប្រតិភូ អមនាយករដ្ឋមន្រ្ដី និងជាប្រធាន អង្គភាពអ្នកនាំ ពាក្យរាជរដ្ឋាភិបាល កម្ពុជា អះអាងថា« នេះគឺជាសក្ខីភាព គ្រប់គ្រាន់ដែលបញ្ជាក់ យ៉ាងច្បាស់លាស់ ដោយគ្មានមន្ទិល សង្ស័យអំពីបំណង ប្រាថ្នានិងសកម្មភាព ដ៏ពិតប្រាកដរបស់ថ្នាក់ ដឹកនាំកម្ពុជានិង ប្រជាពលរដ្ឋ របស់ខ្លួនដែលចង់ បានសន្តិភាព សហគមន៍អន្តរជាតិ ប្រាកដជាបានទទួល ជ្រួតជ្រាបយ៉ាងច្បាស់ អំពីការពិតនៅកម្ពុជា។ ដូច្នេះការចោទប្រកាន់ឬក៏ លាបពណ៌តាមរយៈការរៀបចំ ឈុតឆាកសំដែងនានាក្នុង បំណងទំលាក់កំហុស មកលើកម្ពុជាគឺអត់មាន ប្រសិទ្ធភាពទេបាទ»៕
