(ភ្នំពេញ)៖ ឯកឧត្តម ឃឹម ហ្វីណង់ អនុរដ្ឋលេខាធិការ និងជាអ្នកនាំពាក្យ ក្រសួងកសិកម្ម រុក្ខាប្រម៉ាញ់និង នេសាទនៅព្រឹកថ្ងៃទី១៩ សីហានេះបានអោយដឹងថា ក្រុមការងារ«ត្រី-វិស័យ» នៃក្រសួងកសិកម្ម ក្រសួងធនធានទឹក និងក្រសួងអភិវឌ្ឍន៍ជនបទ បានដឹកនាំអ្នកបច្ចេកទេស ចុះសិក្សានិងពិនិត្យ លទ្ធភាពរៀបចំ ប្រព័ន្ធធារាស្ត្រជូន សហគមន៍កសិកម្ម ទំនើបបារាយណ៍តាំងគោក ខេត្តកំពង់ ដើម្បីធានាឱ្យបាននូវ ការផ្គត់ផ្គង់ទឹកគ្រប់ គ្រាន់ក្នុងតម្លៃទាប ជូនដល់សមាជិកសហគមន៍ សម្រាប់ការត្រៀម ផែនការផលិតកម្មរួមគ្នា លើផ្ទៃដី៥០០០ហិកតា នារដូវកាលខាងមុខនេះ។
ឯកឧត្តម ឃឹម ហ្វីណង់បានបញ្ជាក់ថា បច្ចុប្បន្នយើងមានយន្តការ រួមគ្នា៣ក្រសួងនេះ ដើម្បីដោះស្រាយ បញ្ហាប្រឈមរួមដែល ពិបាកដោះដោយ ក្រសួងតែមួយ។
ឯកឧត្តម ឃឹម ហ្វីណង់ បានប្រាប់ក្រុមការងារ អេបក្រសួងព័ត៌មានថា កន្លងមកក្រុមការងា រ«ត្រី-វិស័យ» នៃក្រសួងកសិកម្ម ក្រសួងធនធានទឹក និងក្រសួងអភិវឌ្ឍន៍ជនបទ បានធ្វើការដោះស្រាយ ជូនសហគមន៍ កសិកម្មទំនើបបានខ្លះ ហើយដូចជានៅ ស្រុកត្រាំកក់ខេត្តតាកែ វសម្រាប់សហគមន៍បន្លែ។ យើងបានធ្វើនៅ ដំណាក់ត្រយឹងខេត្តកំពង់ស្ពឺ សម្រាប់សហគមន៍ម្ទេស ហើយពេលនេះ យើងកំពុងរៀបចំនៅ បារាយណ៍តាំងគោក ខេត្តកំពង់ធំ សម្រាប់សហគមន៍ស្រូវ ហើយយើងក៏កំពុង ពិនិត្យមើលពាក់ព័ន្ធនឹង ការបំពាក់សូឡានៅ សហគមន៍ម្រេចនៅ ខេត្តត្បូងឃ្មុំទៀតផង។
ឯកឧត្តម ឃឹម ហ្វីណង់ បានបញ្ជាក់ថា «សហគមន៍កសិកម្មទំនើប» មិនសំដៅតែនៅលើទំនើប កម្មនៃការធ្វើ កសិកម្មឡើយ បើទោះជាសហគមន៍ ប្រភេទនេះមានប្រើប្រាស់ បច្ចេកវិទ្យានិងឧបករណ៍ សម្ភារៈទំនើបក៏ដោយ។ ភាពទំនើបនៃ សហគមន៍នៅទីនេះ ពាក់ព័ន្ធនឹងការ គ្រប់គ្រងទំនើប តាមបែបសហគ្រាសខ្នាតធំ មានផែនការច្បាស់លាស់ «លក់មុនដាំ» ដឹងថាទីផ្សារនៅឯណា មុននឹងចាប់ផ្តើមផលិតកម្ម។
សូមរម្លឹកថា សហគមន៍កសិកម្មទំនើប គឺជាចក្ខុវិស័យនៃការ អនុវត្តផលិតកម្មកសិកម្ម រួមគ្នាក្នុងទ្រង់ទ្រាយធំ នៅក្នុងវិស័យកសិកម្ម ដែលជាផ្នែកមួយនៃកម្មវិធី គោលនយោបាយអាទិភាពទី៦ របស់រដ្ឋាភិបាលនីតិកាលទី៧ នៃរដ្ឋសភា ដែលចាប់ផ្ដើមដាក់ឱ្យ អនុវត្តចាប់តាំង ពីឆ្នាំ២០២៣។ លក្ខខណ្ឌក្នុងការចូល ជាសហគមន៍ កសិកម្មទំនើប គឺត្រូវមានសមាជិក ចាប់ពី៥០គ្រួសារឡើង៕
