(ភ្នំពេញ)៖ ឯកឧត្ដម ហេង រតនា ថ្លែងថា ផ្ទៃដីជាង ៧០០គីឡូម៉ែត្រនៅតាម បណ្ដោយព្រំដែន កម្ពុជា-ថៃ មិនទាន់បានបោស សម្អាតនៅឡើយទេ ហើយក្នុងនោះគឺ មានក្នុងតំបន់ដែលកំពុង មានជម្លោះផងដែរ។
ថ្លែងក្នុងសន្និសីទសារព័ត៌មាន ស្ដីពី ជំហរកម្ពុជាក្នុង ការប្រយុទ្ធប្រឆាំ ងនឹងគ្រាប់មីន «កម្ពុជាស្រឡាញ់សន្តិភាព» ដែលរៀបចំឡើង ដោយអាជ្ញាធរមីន នៅថ្ងៃទី១៨ ខែសីហា ឯកឧត្តម ហេង រតនា ប្រតិភូរាជរដ្ឋាភិបាល ទទួលបន្ទុកជាអគ្គនាយក នៃមជ្ឈមណ្ឌលសកម្មភាព កំចាត់មីនកម្ពុជា (CMAC) បានគូសបញ្ជាក់ថា គ្រាប់មីននៅក្នុង ប្រទេសកម្ពុជាដែល មានច្រើនជាងគេ គឺនៅតាមព្រំដែនកម្ពុជា ថៃ ក្បែរៗខ្សែបន្ទាត់ និងនៅលើ បន្ទាត់ព្រំដែន រវាងព្រំដែនកម្ពុជា ថៃនេះតែម្ដង ឯកឧត្តម បានអះអាងថា បច្ចុប្បន្នតំបន់ដែល មានមីនតាមបណ្ដោយ ព្រំដែនកម្ពុជា-ថៃ មានផ្ទៃដីប្រមាណជាង ៧០០គីឡូម៉ែត្រ មិនទាន់បានបោស សម្អាតទេ ហើយក្នុងនោះ គឺមានក្នុងតំបន់ដែល កំពុងមានជម្លោះផងដែរ។
ឯកឧត្តមបន្ដថា កម្ពុជា បានចាត់ទុកតំបន់ទាំងនេះ គឺនៅតែជាតំបន់ចម្ការ មីននៅឡើយ ខណៈដែលតំបន់នេះ មិនមែនជាតំបន់ អាទិភាពសម្រាប់ អភិវឌ្ឍសង្គម សេដ្ឋកិច្ច បើទោះបីជាថៃ ប្រកាសតំបន់របស់ ខ្លួនបានបោសសម្អាត មីនរួចហើយក្ដី៕
