ឯកឧត្តមអភិសន្តិបណ្ឌិត ស សុខា អញ្ជើញដឹកនាំ ប្រតិភូជាតំណាង រាជរដ្ឋាភិបាល ដើម្បីពិនិត្យពិភាក្សាលើ សេចក្តីព្រាងច្បាប់ ស្តីពី “វិសោធនកម្មច្បាប់ ស្តីពីសញ្ជាតិ”

(ភ្នំពេញ)៖ នៅរសៀលថ្ងៃចន្ទ ៩រោច ខែស្រាពណ៍ ឆ្នាំម្សាញ់ សប្ដស័ក ព.ស.២៥៦៩ ត្រូវនឹងថ្ងៃទី១៨ ខែសីហា ឆ្នាំ២០២៥ នេះ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានអញ្ជើញដឹកនាំ ប្រតិភូជាតំណាង រាជរដ្ឋាភិបាល ចូលរួមកិច្ចប្រជុំ ជាមួយគណៈកម្មការមហាផ្ទៃ ការពារជាតិ មុខងារសាធារណៈ និងកិច្ចការព្រំដែន និងគណៈកម្មការនីតិកម្ម និងយុត្តិធម៌ ព្រមទាំងគណៈកម្មការជំនាញនានា នៃរដ្ឋសភា ពិនិត្យពិភាក្សាលើ សេចក្តីព្រាងច្បាប់ ស្តីពី “វិសោធនកម្មច្បាប់ ស្តីពីសញ្ជាតិ” នៅវិមានរដ្ឋសភា រាជធានីភ្នំពេញ។