(ភ្នំពេញ)៖ នារសៀលថ្ងៃទី១៧ ខែសីហា ឆ្នាំ២០២៥ ឯកឧត្តម Derek Yip ឯកអគ្គរាជទូតអូស្រ្តាលី ប្រចាំព្រះរាជាណាចក្រកម្ពុជា និងឯកឧត្តម បណ្ឌិតសភាចារ្យ ហង់ជួន ណារ៉ុន បានអញ្ជើញជា សហអធិបតី ក្នុងពិធី ប្រគល់វិញ្ញាបនបត្រ បញ្ចប់ការសិក្សាឆ្នាំ ២០២៤-២០២៥ នៃកម្មវិធីសិក្សា ចំណេះទូទៅប្រទេស អូស្ត្រាលី (Western Australia General Education Program) ដោយមានការអញ្ជើញ ចូលរួមពីសំណាក់ ឯកឧត្តម លោកជំទាវ ថ្នាក់ដឹកនាំ ក្រសួងអប់រំ យុវជន និងកីឡា លោកប្រធាន ក្រុមប្រឹក្សា SpringBoard4Education លោកស្រី នាយកផ្នែកអប់រំ អន្តរជាតិរបស់អាជ្ញាធរ ស្តង់ដាកម្មវិធីសិក្សា ចំណេះដឹងទូទៅ នៃនាយកដ្ឋានអប់រំ រដ្ឋាភិបាលអូស្ត្រាលីខាងលិច នាយកសាលា ភាគីពាក់ព័ន្ធ លោកគ្រូ អ្នកគ្រូ មាតាបិតា អ្នកអាណាព្យាបាល និងសិស្សានុសិស្សជ័យលាភី។
នាឱកាសនេះ ឯកឧត្តមបណ្ឌិតសភាចារ្យ បានសម្តែងនូវ សេចក្តីរីករាយ ដែលបានចូលរួមក្នុង ពិធីប្រគល់វិញ្ញាបន បត្របញ្ចប់ឆ្នាំសិក្សាឆ្នាំ ២០២៤-២០២៥ នៃកម្មវិធីសិក្សាចំណេះ ទូទៅប្រទេសអូស្ត្រាលី (Western Australia General Education Program) ដោយប្រគល់វិញ្ញា បនបត្រដល់សិស្សចំនួន ៥១៩នាក់ ដែលបាន បញ្ចប់ការសិក្សា ដោយជោគជ័យ គ្រប់កម្រិតថ្នាក់ ក្នុងបរិយាកាស ពោរពេញ ដោយភាពរីករាយ និងមោទនភាព។ បន្ថែមលើនេះ និងសូមចូលរួមអបអរ សាទរដល់ក្មួយៗ សិស្សានុសិស្សទាំងអស់ ជាពិសេសក្មួយ សិស្សានុសិស្សថ្នាក់ទី១២ ដែលបាន ខិតខំប្រឹងប្រែងសិ ក្សារៀនសូត្រ និងបញ្ចប់ការសិក្សាបានដោយជោគជ័យ។
តាមរដ្ឋមន្ត្រីក្រសួងអប់រំ ការទទួលបានវិញ្ញាបនបត្របញ្ចប់ការសិក្សានាពេលនេះ សិស្សានុសិស្សទាំងអស់មិនត្រឹមតែនាំមកនូវកិត្តិយស មោទនភាព ភាពរីករាយ និងស្នាមញញឹមដល់ក្រុមគ្រួសាររបស់ក្មួយៗប៉ុណ្ណោះទេ ប៉ុន្តែថែមទាំងបង្ហាញពីសមត្ថភាព ចំណេះដឹង ទេពកោសល្យ និងការតស៊ូក្នុងការសិក្សាផងដែរ ដើម្បីក្លាយជាធនធានមនុស្ស និងជួយអភិវឌ្ឍប្រទេសជាតិនាពេលខាងមុខ ដោយគូសបញ្ជាក់ថា ប្រទេសជាតិខ្លាំង ដោយសារធនធានមនុស្សមានគុណភាព។
ក្រសួងអប់រំ យុវជន និងកីឡា បាននិងកំពុងអនុវត្តផែនការយុទ្ធសាស្ត្រអប់រំឆ្នាំ២០២៤-២០២៨ ដើម្បីឆ្លើយតបទៅនឹងវិស័យអាទិភាពនៃកំណែទម្រង់អប់រំ និងដំណាក់កាលទី១ នៃយុទ្ធសាស្ត្របញ្ចកោណ ដែលមុំទី១ ផ្តោតលើការអភិវឌ្ឍមូលធនមនុស្ស និងមុំទី៥ ផ្តោតលើ “ការអភិវឌ្ឍន៍វិទ្យាសាស្ត្រ និងបច្ចេកវិទ្យាឌីជីថល” ដែលជាកត្តាសំខាន់ក្នុងការដឹកនាំប្រទេសកម្ពុជាឆ្ពោះទៅរកការសម្រេចបាននូវចក្ខុវិស័យរបស់រាជរដ្ឋាភិបាលឆ្នាំ២០៣០ និង២០៥០ ជាពិសេសឈានទៅការអភិវឌ្ឍប្រកបដោយចីរភាព។ ក្នុងន័យនេះ ក្រសួងបានសម្រួលគោលនយោបាយអាទិភាពនៃវិស័យអប់រំទៅជាគោលដៅស្នូលតែមួយគឺ ធានាថាប្រជាពលរដ្ឋកម្ពុជាគ្រប់រូបទទួលបានការអប់រំប្រកបដោយគុណភាព សមធម៌ និងរួមបញ្ចូលទាំងចំណេះដឹង ជំនាញ វិន័យ សីលធម៌ អាកប្បកិរិយាល្អ ព្រមទាំងសុខភាពល្អ កាយសម្បទាមាំមួន និងការសិក្សាពេញមួយជីវិត។
តាមរយៈរបាយការណ៍ SpringBoard 4Education សូមថ្លែងអំណរគុណយ៉ាង ជ្រាលជ្រៅចំពោះ សមិទ្ធិផលសិក្សារ បស់សិស្សានុសិស្ស និងការឈានទៅ មុខយ៉ាងឆាប់រហ័សរបស់ សាលាឆ្ពោះទៅរកគោលដៅអភិវឌ្ឍវិស័យអប់រំ និងផ្តល់ឱកាសដល់ សិស្សក្នុងការសិក្សាតាម កម្មវិធីសិក្សាអន្តរជាតិអូស្ត្រាលី។
បច្ចុប្បន្ននេះ គ្រឹះស្ថានបានពង្រីក បណ្តាញរបស់ខ្លួនដល់ទៅ ១៥ សាខា ដោយមានសិស្សានុសិស្ស ប្រមាណ ៤០០០ នាក់ នៅទូទាំង ៧ ខេត្ត និងរាជធានីភ្នំពេញ ដោយនេះបាន ឆ្លុះបញ្ចាំងពី ទំនុកចិត្តរបស់មាតាបិតា អ្នកអាណាព្យាបាល និងសាធារណជន លើការផ្តល់ សេវាអប់រំប្រកប ដោយគុណភាពរបស់ SpringBoard 4Education។
តាងនាមក្រសួងអប់រំ យុវជន និងកីឡា ឯកឧត្តមបណ្ឌិតសភាចារ្យ ហង់ជួន ណារ៉ុន បានថ្លែងអំណរគុណ យ៉ាងជ្រាលជ្រៅចំពោះ រដ្ឋាភិបាលអូស្ត្រាលី និងស្ថានទូតអូស្ត្រាលី ប្រចាំនៅកម្ពុជា ដែលបានជួយ គាំទ្រក្នុងការអភិវឌ្ឍ ធនធានមនុស្សនៅកម្ពុជា តាមរយៈកម្ម វិធីអាហារូបករណ៍ Australia Awards និងគំនិតផ្តួចផ្តើម សិក្សាជាច្រើនទៀត ហើយក៏បាន វាយតម្លៃខ្ពស់ចំពោះ គណៈគ្រប់គ្រងសាលា បុគ្គលិកសិក្សា លោកគ្រូ អ្នកគ្រូ ជាពិសេស មាតាបិតា និងក្រុមគ្រួសាររបស់ សិស្សានុសិស្សទាំងអស់ ដែលបានចិញ្ចឹម បីបាច់ថែរក្សា ក្មួយៗបានយ៉ាងល្អ និងតែងតែ លើកទឹកចិត្តកូនៗ ទាំងផ្លូវចិត្ត ផ្លូវកាយ និងហិរញ្ញវត្ថុ ដើម្បីធានាបានថា ក្មួយៗនឹងទទួលបាន ការអប់រំពេញលេញ ប្រកបដោយគុណភាព។ ការលះបង់ដ៏ថ្លៃថ្លា នេះគឺជាកម្លាំងចលករដ៏ សំខាន់ដែលជួយឱ្យ សិស្សានុសិស្សទទួល បានជោគជ័យក្នុងការសិក្សា និងក្លាយខ្លួនជាពលរដ្ឋ ល្អនាពេលអនាគត៕
