(ភ្នំពេញ)៖ អ្នកនាំពាក្យក្រសួងការបទេស កម្ពុជាបានថ្លែងបញ្ជាក់ថា កម្ពុជាបានបន្តអំពាវនាវ ដល់ភាគីថៃឱ្យ គោរពការព្រមព្រៀង ចំនួន១៣ចំណុចដែល បានឯកភាពគ្នានៅក្នុង កិច្ចប្រជុំវិសាមញគណៈ កម្មាធិការព្រំដែនទូទៅ កម្ពុជា-ថៃ នៅប្រទេសម៉ាឡេស៊ី ឱ្យបានម៉ឺងម៉ាត់។
ថ្លែងក្នុងឱកាសនៃការធ្វើ សេចក្តីសង្ខេបព័ត៌មានប្រចាំថ្ងៃ ស្តីពីលទ្ធផលនៃការអនុវត្ត បទឈប់បាញ់រវាង កម្ពុជា-ថៃ នាព្រឹកថ្ងៃទី១១ ខែសីហា ឆ្នាំ២០២៥ នៅទីស្តីការគណៈរដ្ឋមន្ត្រី ឯកឧត្តម ជុំ សន្ទរី រដ្ឋលេខាធិការ និងជាអ្នកនាំពាក្យ ក្រសួងការបទេស និងសហប្រតិបត្តិការ អន្តរជាតិបានលើកឡើងថា កម្ពុជាសូមអំពាវនាវឱ្យ ភាគីថៃ មានការអនុវត្ត ឱ្យបានពេញលេញនូវ កិច្ចព្រមព្រៀង១៣ចំណុច នៅប្រទេសម៉ាឡេស៊ី ហើយ កម្ពុជាត្រូវបានលើកទឹកចិត្ត ដ៏ខ្លាំក្លាតាមរយៈការអបអរសាទ ដ៏ទូលំទូលាយ របស់សហគមន៍តំបន់ និងអន្តរជាតិ ក្នុងនោះ ក៏មានបណ្តាប្រទេស ដៃគូរអាស៊ាន និងតួអង្គពាក់ព័ន្ធ សំខាន់ៗដទៃទៀត។
ឯកឧត្តមអ្នក នាំពាក្យបានបន្ដថា ចំពោះកិច្ចព្រមព្រៀងចំនួន១៣ នៅប្រទេសម៉ាឡេស៊ី របស់គណៈកម្មាធិការព្រំដែនទូទៅ នៅថ្ងៃទី០៧ សីហា ឆ្នាំ២០២៥ កម្ពុជាសូមស្វាគមន៍ ចំពោះពីបណ្តាប្រទេសនានា សូមឱ្យមានការអនុវត្ត ដោយសុចរិត និងទាន់ពេលវេលា នូវរាល់ចំណុចដែល បានព្រមព្រៀងគ្នានោះដែរ។
ជាមួយគ្នានេះ ឯកឧត្តមអ្នកនាំពាក្យ ក៏បានគូសបញ្ជាក់ទៀតថា៖ «កម្ពុជាបានចាត់ទុកកិច្ច ព្រមព្រៀង១៣ ចំណុចនោះជាឱកាស ដ៏សំខាន់មួយសម្រាប់ប្រទេស ទាំងពីរសម្រាប់កាត់ បន្ថយភាពតានតឹង ស្តារមកវិញនូវការទុកចិត្តគ្នា និងទប់ស្កាត់គ្រោះថ្នាក់ ដល់ជនស៊ីវិលនៃប្រទេសទាំងពីរ។ កិច្ចព្រមព្រៀងគ្នានេះ គឺជាការតាំងចិត្ត រួមរបស់ប្រទេសទាំងពីរ ចំពោះសន្តិភាព និងស្ថេរភាព»។
ឯកឧត្តមក៏បានបន្ថែមទៀតថា ក្នុងពេលជាមួយគ្នានោះ ដែរកម្ពុជាសូមសម្តែងកា រព្រួយបារម្ភចំពោះការបង្ហាញ ចំណុចវិជ្ជមាននូវលក្ខខណ្ឌ មួយចំនួនរបស់ភាគីថៃរួម ទាំងការលើកឡើងថា កម្ពុជាបានដាក់គ្រាប់មីនថ្មី និងថាបានវាយ ប្រហារលើកគោលដៅ ជាជនស៊ីវិលដែលបាន លើកឡើងសាជាថ្មីម្តងទៀត របស់ក្រសួងការពារជាតិថៃ និងពេលថ្មីៗនេះ មេបញ្ជាការយោធា ភូមិភាគ២ថៃបានលើក ឡើងប្រកបដោយអរិភាពផងដែរ។
ក្នុងងឱកាសនោះដែរ ឯកឧត្ដមអ្នកនាំពាក្យ ក្រសួងការបរទេសកម្ពុជា បានប្រកាសផងដែរថា កម្ពុជាប្រកាន់ជំហរ ក្នុងការអនុវត្តយ៉ាងម៉ឹងម៉ាត់ នូវកិច្ចព្រមព្រៀងគ្នា ទាំង១៣ចំណុច ហើយជំរុញឱ្យភាគីថៃ ត្រូវតែគោរពដោយពេ ញ លេញចំពោះការតាំងចិត្ត របស់ខ្លួនក្នុងឱកាសនៃ កិច្ចប្រជុំគណៈកម្មការ ព្រំដែនទូទៅកម្ពុជា- ថៃកន្លងមកនេះ៕
