(ភ្នំពេញ)៖ សម្តេចអគ្គមហា សេនាបតីតេជោ ហ៊ុន សែន ប្រធានព្រឹទ្ធសភានៃកកម្ពុជា បានសម្តែងនូវការហួសចិត្ត ក្រោយពីប្រជាជន កងទ័ពកម្ពុជា រួមទាំងប្រាសាទបូរាណ រាប់ទាំងប្រាសាទព្រះវិហារ កំពុងរងទុក្ខវេទនាពីការ ឈ្លានពានរបស់ថៃ តែបែរជាមានជនជាតិខ្មែរ ម្នាក់សរសើរកង ទ័ពថៃឈ្លានពាន និងបង្អាប់កងទ័ពខ្មែរទៅវិញ។
សម្តេចតេជោ ប្រធានព្រឹទ្ធសភា បានចោទសួរថាតើ បុគ្គលរូបនោះជាមនុស្សឬជាសត្វ ជាអ្នកស្នេហាជាតិឬក្បត់ជាតិ។
តាមរយៈសារទាំងស្រុង រួមទាំងវីដេអូ ក្នុងបណ្តាញទំនាក់ទំនង សង្គមការងារ នាព្រឹកថ្ងៃទី១១ ខែសីហា ឆ្នាំ២០២៥នេះ សម្តេចតេជោ បានសរសេរថា « បងប្អូនជនរួមជាតិជាទីស្រឡាញ់! នៅពេលប្រជាជន និងកងទ័ពយើងបាន និងកំពុងរងទុក្ខវេទនា ដោយការឈ្លានពានរបស់ថៃ ដែលក្នុងនោះសាលារៀន វត្តអារាម ផ្ទះប្រជាជន រហូតដល់ ប្រាសាទបូរាណរាប់ទាំ ងប្រាសាទព្រះវិហារ ត្រូវកងទ័ពថៃបាញ់ប្រហារ បង្ខំឲ្យប្រជាជនរាប់ម៉ឺនគ្រួសារ ត្រូវរត់ចោលផ្ទះសំបែង ក្លាយជាជនភៀសសឹក ដែលជាការឈឺចាប់ របស់ជាតិទាំងមូលនោះ។ ហេតុអ្វីបានជា មានជនជាតិខ្មែរ ម្នាក់មកនិយាយ សរសើរកងទ័ពថៃឈ្លានពាន និងបង្អាប់កងទ័ពខ្មែរទៅវិញ?
តើគេជាមនុស្សឬជា សត្វ?តើគេស្នេហាជាតិ ឬក្បត់ជាតិ?សូមបងប្អូន ស្តាប់និងគិតខ្លួនឯងផងចុះ។ ខ្ញុំសុខចិត្តប្រើផេកផ្លូវការរបស់ខ្ញុំ ដែលមានមនុស្សតាម ដាន១៥លាននាក់ជួយផ្សព្វ ផ្សាយសំដីពិតរបស់គាត់ ដូចមានភ្ជាប់ជាមួយ»៕
