(ភ្នំពេញ)៖ ទីភ្នាក់ងារជាតិមុខរបរ និងការងារ (NEA) នៃក្រសួងការងារ និងបណ្ដុះបណ្ដាលវិជ្ជាជីវៈ នៅថ្ងៃទី៨ ខែសីហា ឆ្នាំ២០២៥ បានរៀបចំ«វេទិការការងារ» ចំនួន ៣៩កន្លែង ដោយនាំយកព័ត៌មាន ឱកាសការងារចំនួន ៦៧៦០កន្លែងទៅផ្សព្វ ផ្សាយជូនប្រជាពលរដ្ឋ និងពលករខ្មែរដែលទើបវិល ត្រឡប់មកពីប្រទេសថៃ។
សូមបញ្ជាក់ថា គិតចាប់ពីថ្ងៃទី១៦ ខែមិថុនា ដល់ថ្ងៃទី៨ ខែសីហា ឆ្នាំ២០២៥ ដែលជាថ្ងៃចាប់ផ្ដើមយុទ្ធនាការរៀបចំ«វេទិកាការងារ» នៅតាមមូលដ្ឋាន ក្រសួងការងារ និងបណ្ដុះបណ្ដាលវិជ្ជាជីវៈ បានរៀបចំវេទិកាការងារចំនួន ៣០២លើក មានអ្នកមកទទួលព័ត៌មាន ឱកាសការងារចំនួន ១០០ ៣១១នាក់ និងមានអ្នកទទួលបាន ការងារធ្វើភ្លាមៗចំនួន ១៨ ២៧៣នាក់ពីក្រុមហ៊ុនធំៗ ដែលមានតម្រូវការកម្លាំងពលកម្ម៕
