(ភ្នំពេញ)៖ ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ អញ្ជើញចូលរួមគោរពសព លោកអនុសេនីយ៍ឯក ប្រាក់ ពិសិដ្ឋ វីរយោធិន នៃកងពលតូច អន្តរាគមន៍លេខ៨ កងពលធំអន្តរាគមន៍លេខ៣ នៃកងទ័ពជើងគោក ដែលបានពលីក្នុងសមរភូមិ សពត្រូវបានបញ្ជូន មកដល់ស្រុកកំណើត និងរៀបចំពិធីតាម ប្រពៃណីសាសនាឥស្លាម ដោយក្រុមគ្រួសារ និងសាច់ញតិ នាព្រឹកថ្ងៃទី០៨ ខែសីហា ឆ្នាំ២០២៥ នៅភូមិឈើទាលភ្លោះ ឃុំព្រែកសាម៉ាន់ ស្រុកឆ្លូង ខេត្តក្រចេះ។
នាឱកាសដ៏ក្រៀមក្រំនោះ ឯកឧត្តម ឧបនាយករដ្ឋមន្ត្រី បាននាំមកនូវសាររំលែកទុក្ខ និងថវិកាចូលបុណ្យ របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា ជូនដល់ក្រុមគ្រួសារ នៃសពផងដែរ។
