(ភ្នំពេញ)៖ នៅព្រឹកថ្ងៃទី៧ ខែសីហា គ.ស.២០២៥ ដោយទទួលបានការ អនុញ្ញាតដ៏ខ្ពង់ខ្ពស់ពី ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្រ្តី រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ និងជាប្រធានក្រុមប្រឹក្សា អាជ្ញាធរសេវាហិរញ្ញវត្ថុ មិនមែនធនាគារ (អ.ស.ហ.) ឯកឧត្តម ស៊ូ សុជាតិ ប្រតិភូរាជរដ្ឋាភិបាល ទទួលបន្ទុកជាអគ្គនាយក នៃ និយ័តករមូលបត្រកម្ពុជា (ន.ម.ក.) បានដឹកនាំសហការី នាំយកនូវសម្ភារៈ និងគ្រឿងឧបភោគបរិភោគ ដែលជាតម្រូវការប្រចាំថ្ងៃ សម្រាប់ជូនដល់គ្រួសារ វីរៈយុទ្ធជនពលី, វីរៈយុទ្ធជនកំពុង សម្រាកព្យាបាលក្នុង ខេត្តឧត្តរមានជ័យ និងបងប្អូនជនភៀសសឹក ដើម្បីដោះស្រាយទុក្ខលំបាក តាមរយៈ រដ្ឋបាលស្រុកចុងកាល់ ខេត្តឧត្តរមានជ័យ ក្នុងស្មារតី “ខ្មែរជួយខ្មែរ”។
ន.ម.ក. សូមថ្លែងអំណរគុណយ៉ាងជ្រាលជ្រៅ ដល់ ក្រុមហ៊ុនពាក់ព័ន្ធនៅ ក្នុងវិស័យមូលបត្រ និងសប្បុរសជន ដែលបានចូលរួមឧបត្ថម្ភថវិកា និងសម្ភារៈផ្សេងៗ ក្នុងគោលបំណងជួយ ដល់គ្រួសារវីរៈយុទ្ធជន ពលី, វីរៈយុទ្ធជនកំពុងសម្រាកព្យាបាល ក្នុងខេត្តឧត្តរមានជ័យ និងបងប្អូនជនភៀស សឹកយ៉ាងច្រើន ដែលកំពុងរងគ្រោះ ទឹកចិត្តសប្បុរសធម៌ ចូលរួមឧបត្ថម្ភរបស់អ្នកទាំងអស់គ្នា បានបញ្ជាក់យ៉ាងច្បាស់ថា ស្មារតីតស៊ូ រឹងមាំ សាមគ្គីភាព និង ឯកភាពជាតិនិយមរបស់ពួ កយើងជាជនជាតិខ្មែរ ជាកម្លាំង រួបរួមគ្នាក្នុងការជួយ ឱ្យប្រទេសជាតិរឹងមាំ និង ការពារទឹកដីសុវណ្ណភូមិ ឱ្យមានភាពរីកចម្រើន ប្រកបដោយចីរភាព។ តាមរយៈព្រឹត្តការណ៍នេះផងដែរ ក៏បានឱ្យយើងទាំងអស់គ្នា យល់ច្បាស់ពីគុណតម្លៃ នៃពាក្យ “អរគុណសន្តិភាព”។
