(ភ្នំពេញ)៖ នៅព្រឹកថ្ងៃទី ០៦ ខែសីហា ឆ្នាំ ២០២៥ ឯកឧត្តម ឌី វិជ្ជា អនុប្រធាន និងជាអគ្គលេខាធិការ សហភាពសហព័ន្ធយុវជនកម្ពុជា តំណាងឯកឧត្តម ហ៊ុន ម៉ានី ប្រធានស.ស.យ.ក. អញ្ជើញជាអធិបតីក្នុង ពិធីបើកវេទិកាយុវជន -បញ្ញវន្ដមុស្លីម២១ លើកទី២ ឆ្នាំ២០២៥ នៅសកលវិទ្យាល័យ ប៊ែលធីអន្តរជាតិសាខាចោមចៅ។ អញ្ជើញចូលរួមនា ឱកាសនោះរួមមាន ឯកឧត្តម អនុប្រធាន ឯកឧត្តម លោកជំទាវ សមាជិកគណៈ កម្មាធិការកណ្ដាល និងភ្ញៀវកិត្តិយស ជាច្រើនរូបទៀត។
ថ្លែងមានប្រសាសន៍ ទៅកាន់អង្គពិធី ឯកឧត្តមបានកោតសរសើរ និងវាយតម្លៃខ្ពស់ចំពោះ ថ្នាក់ដឹកនាំ និងសមាជិក សមាជិកានៃគណៈកម្មការដែល បានរៀបចំវេទិកាវេទិកាយុវជន -បញ្ញវន្ដមុស្លីមនេះឡើង។ ទន្ទឹមនឹងនេះ ឯកឧត្តមក៏បានគូសបញ្ជាក់ ពីសារៈសំខាន់នៃវេទិកាយុវជន -បញ្ញវន្ដមុស្លីម២១ ដែលនឹងផ្តល់ជាចំណេះដឹង បំណិន និងជំនាញថ្មីៗសម្រាប់ប្អូនៗ ក្នុងការពង្រឹងសមត្ថភាពផ្ទាល់ខ្លួន និងអាចរួមចំណែកដោយ ផ្ទាល់ដល់ការអភិវឌ្ឍ ប្រទេសជាតិយើងឱ្យកាន់តែរីក ចម្រើនទៅមុខបន្ថែមទៀត។
មានប្រសាសន៍បន្ថែម ទៅកាន់អង្គវេទិកា ឯកឧត្តមបានលើកឡើងថា ក្នុងកាលៈទេសៈដែល ប្រទេសកម្ពុជាត្រូវ បានទទួលរងការគំរាម កំហែងផ្នែកសន្ដិភាព និងសន្តិសុខពី ប្រទេសជិតខាង កម្លាំងសាមគ្គីរួមគ្នាជា ធ្លុងមួយរបស់ប្រជាជាតិកម្ពុជា បាន និងកំពុងជួយឱ្យយើង អាចស្វែងរកយុត្តិធម៌សម្រាប់ ប្រទេសជាតិយើង និងអាចយក ប្រៀបឈ្នះលើ ពួកឈ្លានពានបាន។ ក្នុងន័យនេះ យើងទាំងអស់គ្នាត្រូវបន្ត ចូលរួមចំណែកឱ្យកាន់ តែផុសផុល តាមចំណេះ ជំនាញរៀងៗខ្លួន គំាទ្ររាជរដ្ឋាភិបាលកម្ពុជា ក្នុងបុព្វហេតុការពារ បូរណភាពទឹកដី និងអធិបតេយ្យ ភាពរបស់កម្ពុជា។
សូមជម្រាបជូនថា វេទិកាយុវជន-បញ្ញវន្ដមុស្លីម២១ ឆ្នាំ២០២៥នេះ នឹងផ្តល់ឱកាសឱ្យប្អូនៗ សិក្សារៀនសូត្រ ស្វែងយល់ពីចំណេះដឹង និងបទពិសោធថ្មីៗ តាមរយៈការធ្វើ បទអន្តរាគមន៍របស់ វាគ្មិនកិត្តិយសលើ ប្រធានបទនានាពាក់ព័ន្ធនឹង បរិវត្តកម្មវិទ្យាសាស្ត្រ និងបច្ចេកវិទ្យាឌីជីថល ការអប់រំ និងជំនាញវិជ្ជាជីវៈ សតវត្សទី២១ អក្ខរកម្មព័ត៌មាន និងការប្រឆាំង ព័ត៌មានក្លែងក្លាយ និងសុខភាពផ្លូវចិត្តជាដើម។
