(ក្រុងប៉ោយប៉ែត)៖ កាលពីរសៀលថ្ងៃទី៤ ខែសីហាឆ្នាំ២០២៥ ដោយមានការណែនាំពីលោក វ៉ា ជឹមណារ៉េត ចៅសង្កាតអូរជ្រៅ លោក អ៊ុត អេន មេភូមិក្បាលស្ពាន១ ដឹកនាំក្រុមការងារភូមិ នាំយកអំណោយលោកចៅសង្កាត់អូរជ្រៅ រួមទាំងសប្បរសជនយកមក ចែកជូនប្រជាពលរដ្ឋ ដែលខ្វះខាតចំនួន១១គ្រួសារ រស់នៅក្នុងភូមិក្បាលស្ពាន១ សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ។
លោក អ៊ុន អេន មេភូមិក្បាលស្ពាន១ បានប្រាប់អោយដឹងថា ប្រជាពលរដ្ឋដែលខ្វះខាតចំនួន១១គ្រួសារ ក្នុងមួយកគ្រួសារ ទទួលបានអង្ករ ចំនួន១ការ៉ុងតូច ស្មើរនិង២៥គីឡូក្រាម ឃីតចំនួន១កញ្ចប់ ទឹកសុទ្ធចំនួន១យួរនិងថវិការចំនួន១០០០០រៀលផងដែរ។
លោកមេភូមិក្បាលស្ពាន១ បានប្រាប់អោយដឹងទៀតថា អំណោយចែកជូន ប្រជាពលរដ្ឋខាងលើ អង្ករបានមកពីលោក វ៉ា ជឹមណារ៉េត ចៅសង្កាត់អូរជ្រៅ ចំនែកឃីតនិងថវិការ បានមកពីការចូលរួម ពីលោក ខូយ ប៊ុនធឿន ម្ចាស់គ្លីនិក ពេទ្យធ្មេញក្រុងប៉ោយប៉ែត។
សូមបញ្ចាក់ផងដែរថា លោក វ៉ា ជឹមណារ៉េត ចៅសង្កាត់អូរជ្រៅ តែងតែយកចិត្តដាក់ លើប្រជាពលរដ្ឋ ដែលរងការខ្វះខាត ជាពិសេសចំពេល ដែលប្រទេស កំពុងមានសង្គ្រាម ព្រំដែនរវាងកម្ពុជា ថៃ នេះបានហៅថា ខ្មែរជួយខ្មែរក្នុង គ្រាមានអសន្ន៕
